ការណែនាំអំពីលំហាត់ប្រាណដែលត្រឹមត្រូវ ដើម្បីចៀសពីគ្រោះថ្នាក់ដោយមិនដឹងខ្លួន!

យើងទាំងអស់គ្នាដឹងហើយថាការធ្វើលំហាត់ប្រាណពីព្រោះចង់ឲ្យមានសុខភាពល្អ និងចង់ឲ្យខ្លួនយើងទទួលបានជោគជ័យជាមួយនឹងលទ្ធផលមួយដែលសមបំណងដូចជាស្រកទម្ងន់, បង្កើនសាច់ដុំ និងថែមទាំងចង់ទទួលបានរូបរាងគួរជាទីពេញចិត្តផងដែរ។ 

ប៉ុន្តែអ្វីដែលអ្នកចង់បានទាំងនេះវាពិតជាសំខាន់ដើម្បីទាមទារឲ្យអ្នកធ្វើលំហាត់ប្រាណដែលមានមូលដ្ឋានគ្រឹះត្រឹមត្រូវ។ ប៉ុន្តែជាញឹកញាប់យើងតែងតែធ្វើខុសដោយពុំដឹងពីរបៀបនៃការហាត់ប្រាណត្រឹមត្រូវដែលជាហេតុបណ្តាលឲ្យមានផលប៉ះពាល់ និងពុំទទួលបានលទ្ធផលទៀតផង។

ដោយឡែកខាងក្រោមនេះគឺជាការណែនាំអំពីការធ្វើលំហាត់ប្រាណដែលត្រឹមត្រូវ៖

១.ពើងឲ្យត្រគាកត្រង់ (Hip bridge)

ការធ្វើដែលត្រឹមត្រូវនោះគឺ៖ ត្រូវឲ្យប្រាកដថាឆ្អឹងត្រគាករបស់អ្នកលើកឡើង ហើយទម្រង់ខ្លួនរបស់អ្នកត្រង់ពីស្មាទៅដល់ជង្គង់។  

២. ពើងឲ្យត្រង់

ការធ្វើដែលត្រឹមត្រូវនោះគឺ៖ ពើងខ្នងរបស់អ្នកឲ្យត្រង់រាបស្មើ និងប្រាកដថាជង្គង់របស់អ្នកកោងនៅមុំប្រហែល៩០ដឺក្រេនៅពេលអង្គុយទប់លំនឹង 

៣.ដាក់ដងខ្លួនឲ្យត្រង់

ការធ្វើដែលត្រឹមត្រូវនោះគឺ៖ ដាក់ខ្លួនរបស់អ្នកឲ្យត្រង់ដូចជាបន្ទាត់ពីចុងជើងរហូតដល់ក្បាល ហើយដៃរបស់អ្នកស្ថិតនៅមុំ៩០ដឺក្រេ និងករបស់អ្នកគឺមិនត្រូវឲ្យវាកោងនោះទេ។ 

៤.អង្គុយដោយពើងខ្នងកោងឡើងលើ

ការធ្វើដែលត្រឹមត្រូវនោះគឺ៖ ត្រូវប្រាកដថាដុំអាល់ទែសិ្ថតនៅចន្លោះកណ្តាលនៃជើងរបស់អ្នក និងមិនត្រូវលើកកែងជើងឲ្យផុតពីឥដ្ឋ។ ហើយរក្សាភ្លៅទាំងពីរ របស់អ្នកឲ្យស្មើនឹងឥដ្ឋ និងកុំអង្គុយឲ្យជិតនឹងឥដ្ឋពេក។ 

៥.ចាប់កាន់ដុំអាល់ទែឲ្យបានត្រឹមត្រូវ 

ការធ្វើដែលត្រឹមត្រូវនោះគឺ៖ ដាក់កែងដៃមកក្រោយ ហើយធ្វើយ៉ាងណាទាញឲ្យស្មាទាំងពីរចូលគ្នា 

៦.ការងើបបែបបត់ជង្គង់

ការធ្វើដែលត្រឹមត្រូវនោះគឺ៖ បត់ជង្គង់ ហើយរុញទ្រូងទៅមុខ និងដាក់ខ្នងឲ្យកោងជាមួយនឹងឆ្អឹងត្រគាកលើកទៅក្រោយ ម្យ៉ាងទៀតដាក់ដៃ និងជើងរបស់អ្នកឲ្យកែងនឹងឥដ្ឋ។

៧.ការដាក់ជើងជាន់ទៅនឹងផ្ទៃរាបស្មើ

ការធ្វើដែលត្រឹមត្រូវនោះគឺ៖ ដាក់ខ្នងឲ្យត្រង់ ហើយធ្វើឲ្យស្មាទាំងពីរត្រង់ស្មើគ្នា និងពត់ខ្នងរបស់អ្នកឲ្យកោងបន្តិច បន្ទាប់មកឈរឲ្យជិតទៅនឹងកៅអីសម្រាប់ហាត់ ចំណែកឯជើងរបស់អ្នកត្រូវតែដាក់ឲ្យកៀក និងត្រង់។

៨.ការហាត់នៅលើកៅអីដេកលើកអាល់ទែ

ការធ្វើដែលត្រឹមត្រូវនោះគឺ៖ ដុំអាល់ទែត្រូវតែដាក់ឲ្យត្រង់ស្មើជាមួយនឹងស្មារបស់អ្នក។ ពត់ខ្នងខាងក្រោមឲ្យកោងឡើង ហើយបត់ជង្គង់ និងផ្លាស់ប្តូរជើងរបស់អ្នកតិចៗទៅរកត្រគាក។

៩.ការលើកដុំអាល់ទែ

ការធ្វើដែលត្រឹមត្រូវនោះគឺ៖ ជង្គង់របស់អ្នកត្រូវដាក់ឲ្យស្មើជាមួយនឹងជើងក្នុងមុំ ៩០ដឺក្រេនៅពេលបោះជំហាន។

១០.ការផ្លាស់ប្តូរនៃលើកដាក់ជើងម្ខាង 

ការធ្វើដែលត្រឹមត្រូវនោះគឺ៖ ដាក់ស្មាទៅក្រោយឲ្យត្រង់ ហើយលើកជើងប្តូរចុះឡើងរហូតដល់ភ្លៅរបស់អ្នកស្របជាមួយនឹងឥដ្ឋ។

១១.ការលើកដុំអាល់ទែដៃម្ខាង 

ការធ្វើដែលត្រឹមត្រូវនោះគឺ៖ ចំណុចនេះសំខាន់ត្រង់ថាអ្នកត្រូវឲ្យខ្នងរបស់អ្នកត្រង់ចាប់ពីក្បាលរហូតដល់គូទ៕