ថៃ៖ គ្រប់គ្នាប្រាកដជាស្គាល់ តារាសម្តែងស្រី Pat Napapa ដែលក្នុងចំណោមតារាស្រីល្បីៗជាច្រើន នាងជាតារាដែលមានប្រវត្តិកម្សត់ មករហូត តាំងពីពេលនៅលីវ រហូតដល់មានកូនប្រុសដ៏គួរឲ្យក្នាញ់ម្នាក់។
បើរំលឹកទៅកាន់អតីតកាលវិញ ក្រោយពេល Pat Napapa បានរៀបការរួច និងសម្រាលកូនមិនបានប៉ុន្មាន ស្វាមីរបស់នាងក៏ត្រូវបានចាប់ខ្លួនពីបទពាក់ព័ន្ធនឹងបញ្ហាគ្រឿងញៀន។
ម៉្យាងវិញទៀតកាលពេលនោះ គឺជាគ្រាដែលតារាស្រីមុខស្រស់មួយដួងនេះ ត្រូវតស៊ូចិញ្ចឹមមើលកូនតែម្នាក់ឯង ព្រមទាំងទទួលបន្ទុកមើលថែម្តាយ ដែលមានជំងឺផងដែរ។
យ៉ាងណាមិញកាលពីម្សិលមិញនេះ Pat Napapa បានទទួលក្តីរំភើបមិនតិចឡើយ នៅពេលស្វាមីដែលកំពុងស្ថិតនៅក្នុងគុកនោះ តែបានឲ្យគេ ទិញបាច់ផ្កា ឲ្យនាង ដើម្បី Surprise នៅថ្ងៃពិសេស គឺថ្ងៃគម្រប់ខួបអាពាហ៍ពិពាហ៍ ១ឆ្នាំរបស់ពួកគេ។
នេះពិតជាបញ្ជាក់ពីក្តីស្រលាញ់ និងការនឹករលឹកយ៉ាងខ្លាំងពីស្វាមីរបស់ Pat បើទោះបីជាមិនបាននៅជិតភរិយា និងកូនមែន តែក៏មិនដែលភ្លេចថ្ងៃពិសេសរបស់ខ្លួននិងភរិយាឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]