ជិតដល់ថ្ងៃការកូនស្រីពៅ ម្តាយ ចន ច័ន្ទលក្ខិណា ធ្លាក់ខ្លួនឈឺ!

ភ្នំពេញ៖ តារាសម្តែងជើងចាស់អ្នកនាងចន ច័ន្ទលក្ខិណា ដែលមហាជន បានទទួលស្គាល់ថា ទោះបីជានាងមានអាយុច្រើនយ៉ាងណាក្តីតែបើសម្រស់វិញ នៅតែស្រស់ស្អាតដដែល។

មួយរយៈពេលនេះ ឃើញថាតារាស្រីរូបនេះ ហាក់ដូចជាមានភាពមមាញឹកនៅក្នុងការងារសិល្បៈខ្លាំងមែនទែន ដោយឡែកកាលពីម្សិលមិញនេះ ស្រាប់តែម្តាយជាទីស្រលាញ់របស់អ្នកនាង មានជំងឺត្រូវបញ្ជូនទៅមន្ទីរពេទ្យ ខណៈពេលដែលជិតរៀបការកូនស្រីពៅផងនោះ។ 

ក្នុងនោះដែរ អ្នកនាងចន ច័ន្ទលក្ខិណា ពិតជាមានការព្រួយបារម្ភពីសុខភាពម្តាយខ្លាំង ដោយនាងបានបង្ហោះសារ ជាមួយនឹងរូបភាពម្តាយរបស់ខ្លួន កំពុងតែសម្រាកព្យាបាលនៅមន្ទីរពេទ្យ នៅក្នុងបណ្តាញសង្គមរបស់ខ្លួនថា៖ «សូមជូនពរអោយម៉ាក់ឆាប់ជា ព្រោះជិតដល់ថ្ងៃការកូនស្រីពៅហើយ បើម៉ាក់ឈឺអត់មានអ្នកណា អង្គុយលើក្បាលកន្ទេលថ្ងៃរៀបការកូនស្រីទេ!!»។

តាមរយៈ រូបភាពនិងសារនេះ បានធ្វើឲ្យអ្នកគាំទ្រជាច្រើនបានបួងសួង និងជូនពរឲ្យម្តាយរបស់នាងឆាប់ជាសះស្បើយផងដែរ៕ 

• ចនច័ន្ទ លក្ខិណា