នី រតនា ប្តូរឡានស៊េរីទំនើប មួយគ្រឿងទៀតហើយ?

ភ្នំពេញ៖ កម្លោះសង្ហាវ័យក្មេង និងមានទឹកដមសម្លេងពីរោះរណ្តំលោក នី រតនា បានក្លាយទៅជាតារាចម្រៀងអាជីពប្រចាំនៅក្នុងផលិតកម្មហង្សមាសកាលពីឆ្នាំ២០១៥កន្លងមក ដោយបានគ្រងតំណែងជាម្ចាស់ពានរង្វាន់ នៅក្នុងកម្មវិធីប្រឡងចម្រៀងលំដាប់ថ្នាក់ពិភពលោក «Cambodian Idol» រដូវកាលទី១។

ហើយបច្ចុប្បន្ននេះប្រជាប្រិយភាពរបស់លោក នី រតនា ក៏កាន់តែកើនឡើងៗជាលំដាប់ផងដែរ ដោយបានក្លាយខ្លួនទៅជាអាយដល (Idol) សំណព្វ នៅក្នុងដួងចិត្តអ្នកគាំទ្រទូទៅជាច្រើននាក់ ជាពិសេសគឺបណ្តាមិត្តៗយុវវ័យ។

បើក្រឡេកមើលពីជីវិតឯកជនរបស់លោក នី រតនា វិញក៏កាន់តែឡើងកូដខ្លាំងណាស់ដែរ ដោយសារតែទទួលបានភាពជោគជ័យទាំងនេះ។

ហើយម្សិលមិញនេះលោក នី រតនា ក៏បានបង្ហោះរូបភាពឡានស៊េរីថ្មីម៉ាក Mazda មួយគ្រឿងយ៉ាងថ្មី នៅលើហ្វេសប៊ុកខ្លួន ព្រមជាមួយនឹងការរៀបរាប់ដូច្នេះថា៖ 

«យើងអាចនឹងកើតមក មិនបានរស់នៅលើគំនរទ្រព្យដូចគេក៏ពិតមែន! ក៏ប៉ុន្តែអ្វីដែលយើងយកមកជាមួយនោះ គឺទេពកោសល្យ និងជំនាញពិសេសផ្ទាល់ខ្លួន! ទ្រាំបន្តិចទៀត ប្រឹងបន្តិចទៀត តស៊ូបន្តិចទៀត យើងនឹងឈានទៅដល់គោលដៅរបស់យើងជាក់ជាមិនខាន»។

ស្ងាត់ៗស្រាប់តែតារាចម្រៀងលោក នី រតនា ប្តូររថយន្តស៊េរីទំនើបទៀតហើយ? ខណៈដែលលោកកំពុងជិះរថយន្តទំនើបមួយគ្រឿងម៉ាក Lexus RX 350 នៅឡើយ៕

• នី រតនា
• ឡាន