ភ្នំពេញ៖ មុននេះមិនប៉ុន្មានម៉ោង លោក យូឌីស្កូ បានបង្ហាញវត្តមានជាថ្មី បន្ទាប់ពីខ្លូនបានសម្រាកព្យាបាលជំងឺ អស់រយៈពេលជាយូរខែ ដែលបង្កឲ្យមានភាពភ្ញាក់ផ្អើលជាខ្លាំង។
ជាក់ស្ដែង បើតាមគណនីរបស់កញ្ញា ទឹម រដ្ឋា ដែលជាដៃគូសម្ដែងក្នុងខ្សែភាពយន្ត បានបង្ហោះសារថា៖« Ya ទីបំផុតបង Sco Sco You You បានវិលត្រឡប់មករួមការងារជាមួយពួកយើងសារជាថ្មីវិញហើយ ! តែគាត់ស្រក់គីឡូច្រើនណាស់ ហើយមើលទៅក៏មិនសូវមានកម្លាំងដែរ ចឹងនាងខ្ញុំសូមជូនពរអោយបងជាដាច់ពីជំងឺ នឹង មានសុខភាពល្អឡើងវិញ ហើយឆាប់មានសាច់មានឈាមស្រស់ថ្លាឡើងវិញណាបង »។
សាររបស់តារាម៉ូដែល រូបនេះស្ដែងប្រាប់ច្បាស់ណាស់ថា ពេលនេះស្ថានភាពជំងឺរបស់លោក យូឌីស្កូ បានធូរស្បើយខ្លះហើយ ហើយបច្ចុប្បន្នលោក ក៏អាចបន្តការសម្ដែងបានដែរ គ្រាន់តែនៅមានសភាពស្លេក ជាងមុនតែប៉ុណ្ណោះ។
យ៉ាងណាមិញ ប្រិយមិត្ត អ្នកគាំទ្រ ជាច្រើន នៅតែបន្តផ្ដល់កម្លាំងចិត្តជូនលោក ឲ្យយកឈ្នះពីជំងឺដ៏កាចសាហាវមួយនេះ ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]