ខេត្តកំពង់ធំ ៖ សេចក្តីរាយការណ៍បឋមបានឱ្យដឹងថា បុរសជាប្តី ផឹកស្រាខ្លាំង លុះមកដល់ឃើញប្រពន្ធដេកក្នុងអង្រឹង ក៏បានយកកាំបិតទៅកាត់ខ្សែអង្រឹង បណ្តាលឱ្យដាច់ធ្លាក់លើក្តាររនាប ។ នៅមិនតែអស់ចិត្ត បុរសក៏យារកាំបិតកាប់ប្រពន្ធ ត្រូវចំស្មាខាងស្តាំទៀត បណ្តាលឱ្យរងរបួសយ៉ាងធ្ងន់ធ្ងរ ក្រោយមក ប្តីរូបនោះក៏យកខ្សែនីឡុងចង.កសម្លាប់ខ្លួនឯងនៅលើផ្ទះតែម្តង ។
ហេតុការណ៍ដ៏រន្ធត់នេះ បានកើតឡើងកាលពីវេលាម៉ោង០១ និង៤០នាទីរសៀលថ្ងៃទី១៩ វិច្ឆិកា ស្ថិតនៅចំណុចផ្ទះក្នុងភូមិស្រឡៅស្រោង ឃុំទំរីង ស្រុកសណ្តាន់ ខេត្តកំពង់ធំ ។
សេចក្តីរាយការណ៍បន្តថា បុរសជាដៃដល់ ឈ្មោះសៅ ឆុង អាយុ៣៤ឆ្នាំ ។ រីឯប្រពន្ធឈ្មោះធួក ធឿង អាយុ៣១ឆ្នាំ ត្រូវបានសាច់ញាតិបញ្ជូនទៅកាន់មន្ទីរពេទ្យ ដើម្បីសង្គ្រោះជីវិត តែដោយសារស្ត្រីរងគ្រោះមានជំងឺរ៉ាំរៃផង ក៏បានស្លាប់នៅវេលាម៉ោង០១ និង១៥នាទីឈានចូលថ្ងៃទី២០ វិច្ឆិកា នេះ។
ទាក់ទិនករណីជម្លោះហិង្សាក្នុងគ្រួសារខាងលើនេះ គេមិនដឹងថា កើតឡើងដោយសារអ្វីនោះទេ ។ ប៉ុន្តែបុរសជាប្តី គឺជាមនុស្សខូចចិត្ត និងមានវិបត្តិ ដោយសារតែប្រពន្ធមានជំងឺប្រចាំកាយ (កើតទាចទឹកធំពោះ) ជាច្រើនឆ្នាំមកហើយ ជាហេតុនាំឱ្យប្តីរូបនេះ ចេះតែដើរផឹកស្រាជារៀងរាល់ថ្ងៃ លុះនៅថ្ងៃកើតហេតុ ក៏មានកើតរឿងនេះ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
