រាជធានីភ្នំពេញ ៖ ក្មេងប្រុសវ័យ១៧ឆ្នាំម្នាក់ បានចង.កសម្លាប់ខ្លួនម្ដងហើយម្ដងទៀតចំនួន២លើក ប៉ុន្តែនៅលើកទី១ មិនបានសម្រេច ក្រោយមកលើកទី២បានស្លាប់តាមបំណងតែម្ដង ហេតុការណ៍បង្កឲ្យភ្ញាក់ផ្អើលកាលពីវេលាម៉ោង៤ជិតភ្លឺថ្ងៃទី១៤ ខែវិច្ឆិកា ឆ្នាំ២០១៧ ភូមិថ្មគោល២ សង្កាត់ចោចៅ២ ខណ្ឌពោធិសែជ័យ រាជធានីភ្នំពេញ ។
ក្មេងប្រុសខាងលើ ផាត ភត្ត្រា មុខរបររៀនជួសជុលទូរស័ព្ទ មានទីលំនៅផ្ទះកើតហេតុខាងលើ បានយកខ្សែនីឡុងចង.កជាប់នឹងដំបូលផ្ទះបណ្ដាលឲ្យស្លាប់ ។ ស្ត្រីសោម នាង ត្រូវជាម្ដាយបង្កើតបានឲ្យដឹងថា គាត់មិនដឹងកូនគាត់មានវិបត្តិអ្វីនោះទេ ប៉ុន្តែព្យាយាមធ្វើអត្តឃាតដោយចង.កចំនួន២លើកមកហើយ ។ ប៉ុន្តែមិនបានសម្រេចនោះទេ ដោយគាត់ និងសាច់ញាតិព្រមទាំងមិត្តភក្ដិជួយទាន់ ហើយគាត់បានសួរនាំពីមូលហេតុដែរ ប៉ុន្តែកូនប្រុសរូបនេះមិនបានប្រាប់នោះទេ ។
គាត់បានផ្លាស់ទីលំនៅ មករស់នៅក្នុងផ្ទះកើតហេតុខាងលើ កូនប្រុសគាត់បានស្នាក់នៅជាមួយជាប់រហូត និងបានរៀនជួសជុលទូរស័ព្ទ ។ ស្ត្រីនិយាយបន្តថា គាត់នៅតែមិនបានដឹងថាកូនប្រុសមានវិបត្តិអ្វីដដែល នៅពេលឃើញកូនរៀនជួសជុលទូរស័ព្ទ គាត់ត្រេកអរណាស់ ដែលសង្ឃឹមថានៅពេលរៀនចេះបានបើកកន្លែងរកស៊ីមួយរកប្រាក់មកផ្គត់ផ្គង់ជីវភាពគ្រួសារ ដោយមិននឹកស្មានថាមានរឿងបែបនេះកើតឡើងនោះឡើយ ។
នៅមុនពេលកើតហេតុយប់ថ្ងៃទី១៣ ខែវិច្ឆិកា គាត់បានចូលដេកឯកូន ប្រុសក៏បានចូលដេកដែរ ហើយគាត់មិនដឹងថា មានរឿងអ្វីកើតឡើងទេ រហូតដល់ព្រឹកឡើងថ្ងៃទី១៤ វិច្ឆិកានេះ ក្រោយពេលភ្ញាក់ពីដំណេកស្រាប់តែប្រទះឃើញកូនចង.កស្លាប់បាត់ទៅហើយ ។
នគរបាលបានឲ្យដឹងថា នៅក្រោយពេលកើតហេតុគ្រួសារសពបានរាយការណ៍ជូន កម្លាំងនគរបាលប៉ុស្ដិ៍បានចុះទៅកាន់ទីនោះ និងបានរាយការណ៍បន្តទៅកាន់នគរបាលផ្នែកបច្ចេកទេសខណ្ឌ ឲ្យចុះទៅធ្វើការពិនិត្យភ្លាមៗដែរ ហើយរកឃើញមានស្លាកស្នាមអ្វីផ្សេងដែលមានជាប់ពាក់ព័ន្ធទៅនឹងអំពើឃាតកម្មនោះឡើយ គឺក្មេងប្រុសខាងលើពិតធ្វើអត្តឃាតចង.កសម្លាប់ខ្លួនពិតមែន ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]