អង់គ្លេស៖ ខែ្សប្រយុទ្ធមាឌធំ Romelu Lukaku មានការជឿជាក់ថា ការវិលត្រលប់មកវិញរបស់ Zlatan Ibrahimovic នឹងជួយឲ្យក្រុមបិសាចក្រហម Manchester United តាមទាន់ក្រុមគូប្រជែង Manchester City ក្នុងការដណ្ដើមពាន Premier League។
ក្រុមមេឃខៀវ Manchester City បានដាច់ពិន្ទុក្រុមដែលដឹកនាំដោយលោក Jose Mourinho ចំនួនដល់ទៅ ៨ពិន្ទុ ប៉ុន្ដែខែ្សប្រយុទ្ធសញ្ជាតិប៊េលហ្សិករូបនេះ មានជំនឿថា នៅពេលដែលខែ្សប្រយុទ្ធចាស់វស្សា Zlatan អាចចូលលេងបានវិញនោះ ក្រុមទាំងមូលនឹងមានសង្ឃឹមតាមទាន់ក្រុមគូប្រជែងនេះវិញ។
Lukaku បាននិយាយប្រាប់ប៉ុស្ដិ៍ទូរទស្សន៍ Sky Sports ថា៖ «វត្តមានរបស់ Zlatan ពិតជាជំរុញទឹកចិត្តខ្ញុំ ព្រោះគេគឺជាកីឡាករមានគុណភាពនៅក្នុងក្រុម។ នៅពេលលេងទល់ជាមួយក្រុមដូចជាពួកយើង អ្នកនឹងមានការលំបាក។ Zlatan នឹងជួយយើងឲ្យតាមទាន់ Man City»។
គួររម្លឹកដែរថា Zlatan បានរងរបួសជង្គង់ធ្ងន់ធ្ងរ អំឡុងពេលលេងក្នុងពានរង្វាន់ Europa League ទល់នឹងក្រុម Anderlecht កាលពីខែមេសា ខណៈពេលនេះ អតីតប្រធានក្រុមជម្រើសជាតិស៊ុយអែតនេះ អាចនឹងចូលលេងបានវិញនាចុងឆ្នាំនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
