ខេត្តបាត់ដំបង ៖ សេចក្តីរាយការណ៍បឋមឱ្យដឹងថា បុរសម្នាក់ត្រូវកម្លាំងនគរបាលស្រុកសំឡូតធ្វើការឃាត់ខ្លួន ខណៈពេលស្រវឹងស្រា បានយកកាំភ្លើងអាការដែលលាក់ទុក មកគំរាមបាញ់សម្លាប់ប្រពន្ធនិងកូន កើតឡើងកាលពីវេលាម៉ោង០៨យប់ថ្ងៃទី១២ វិច្ឆិកា ស្ថិតក្នុងក្រុមទី២ ភូមិកណ្តាល ឃុំស៊ុង ស្រុកសំឡូត ខេត្តបាត់ដំបង ។
សេចក្តីរាយការណ៍បន្តថា ជនសង្ស័យខាងលើ ឈ្មោះហុង ស្រេង អាយុ៥៨ឆ្នាំ មានប្រពន្ធឈ្មោះសួស ផល្លី អាយុ៥៦ឆ្នាំ មានទីលំនៅក្នុងភូមិកើតហេតុ ។ ក្នុងនោះ កម្លាំងដកបានកាំភ្លើង AK ស្វាយបទ១ដើម និងបង់១ (មាន១៧គ្រាប់) ។
ទាក់ទិនករណីនេះ ត្រូវបានប្រភពឱ្យដឹងថា នៅមុនពេលកើតហេតុ បុរសខាងលើបានផឹកស្រាស្រវឹងជោកខ្លួន រួចក៏រករឿងរហូតមានទំនាស់ពាក្យជាមួយប្រពន្ធ។ ក្រោយមក ជននេះ បានយកកាំភ្លើងមកគំរាមបាញ់ ។ តែពេលនោះ ក៏ត្រូវបានគេរត់មករាយការណ៍មកកម្លាំងនគរបាលទាន់ ទើបចុះចាប់ខ្លួនតែម្តង ។
បច្ចុប្បន្ន ជនសង្ស័យ រួមទាំងវត្ថុតាង បានបញ្ជូនមកកាន់ប៉ុស្តិ៍ ដើម្បីធ្វើកំណត់ហេតុ និងសាកសួរពីប្រភពកាំភ្លើងផងដែរ ។វ
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]