ក្រៅពីអាជីព ជាអ្នកកំប្លែង ខ្ញុង ​នៅឆ្លៀតបង្កើតមុខរបរថ្មីដោយខ្លួនឯង ថែមមួយទៀត!

ភ្នំពេញ៖ តារាកំប្លែងអ្នកនាង ស្រេង សុកាន់ដា ហៅខ្ញុង បានទទួលនូវប្រជាប្រិយភាព និងកេរ្តិ៍ឈ្មោះបោះសម្លេងយ៉ាងខ្លាំងនៅក្នុងវិស័យសិល្បៈកំប្លែងក្នុងក្រុមនាយពាក់មី ចាប់តាំងពីកំឡុងឆ្នាំ ២០១០ មក តាមរយៈការសម្តែងនៅលើទូរទស្សន៍ស៊ីធីអិន។

ហើយបច្ចុប្បន្ននេះតារាកំប្លែងនាង ខ្ញុង ក៏នៅតែទទួលបាននូវការគាំទ្រជាច្រើនពីសំណាក់ទស្សនិកជនទូទៅនៅក្នុងប្រទេស តាមរយៈការសម្តែងកំប្លុកកំប្លែង ដែលពោរពេញ ទៅដោយភាពក្រមិចក្រមើមរបស់នាងផងដែរ។

ទន្ទឹមនឹងការចាប់អាជីពជាអ្នកសិល្បៈកំប្លែងនេះដែរ ខ្ញុង ក៏នៅឆ្លៀតបង្កើតមុខរបររកស៊ីមួយទៀតយ៉ាងថ្មី គឺជា «អ្នកលក់សាច់ក្រក»។ 

ដោយថ្មីៗនេះយើងឃើញនាង ខ្ញុង បានប្រកាសដាក់លក់សាច់ក្រកជាច្រើនព្រោងព្រាត នៅលើបណ្តាញទំនាក់ទំនងសង្គមហ្វេសប៊ុករបស់ខ្លួន។

មិនតែប៉ុណ្ណោះនាង ខ្ញុង ក៏បានប្រាប់ឱ្យដឹងផងដែរថា សាច់ក្រកទាំងអស់នេះគឺសុទ្ធតែនាងបានធ្វើដោយផ្ទាល់ដៃខ្លួនឯងថែមទៀតផង និងបានទទួលការគាំទ្រជាច្រើនគួរសមពីអតិថិជន៕

ទស្សនារូបភាពខាងក្រោមដូចតទៅនេះ៖    

• ខ្ញុង
• ជំនួញ