ពេលបានស្គាល់មុខមាត់ និងអត្តសញ្ញាណគូស្នេហ៍របស់ Adda ទើបដឹងថា ពិតជាមិនធម្មតាមែន

ភ្នំពេញ៖ កាលពីយប់ថ្ងៃសៅរ៍ម្សិលមិញនេះ ខ្មែរឡូត បានចុះផ្សាយរួចមកហើយនូវអត្ថបទអំពី កញ្ញា Adda ធ្វើពិធីខួបកំណើត និងសម្ពោធ MV បទ "មានអ្នកថែឬនៅ" ហើយថែមទាំងបានប្រកាសបង្ហាញមុខគូស្នេហ៍ទៀតផង។ ព័ត៌មាននេះបានធ្វើឲ្យមហាជនមានការភ្ញាក់ផ្អើលយ៉ាងខ្លាំង ហើយក៏មានចម្ងល់ទាក់ទងទៅនឹង គូស្នេហ៍របស់កញ្ញា Adda ផងដែរ។

បើតាមឲ្យដឹងពីសាមីខ្លួនផ្ទាល់ គឺគូស្នេហ៍របស់ Adda មានឈ្មោះថា អេលែន តាន់។ គួរឲ្យដឹងថា លោក អេលែន តាន់ មិនត្រឹមតែមានរូបរាងខ្ពស់សង្ហាប៉ុណ្ណោះទេ តែថែមទាំងជាបុរសម្នាក់ ដែលមានទេពកោសល្យ និងសមត្ថភាព បូករួមជាមួយប្រវត្តិដ៏គួរឲ្យចាប់អារម្មណ៍ទៀតផង។

ខាងក្រោមនេះ គឺជាព័ត៌មានខ្លះៗទាក់ទងនឹងលោក អេលែន តាន់ ដែលជាគូស្នេហ៍របស់កញ្ញា Adda៖

• លោក អេលែន តាន់ ជាជនជាតិខ្មែរ-អាមេរិក កើតនៅលើទឹកដីសហរដ្ឋអាមេរិក

• លោក អេលែន តាន់ មានម្តាយជាជនជាតិអាមេរិក និងឪពុកជាជនជាតិខ្មែរ គឺ លោកវេជ្ជបណ្ឌិត សុង តាន់

• លោក អេលែន តាន់ ជានាយកនៃអង្គការអាមេរិកមួយប្រចាំនៅប្រទេសកម្ពុជា ដែលបានជួយដល់ការការពារប្រជាជនកម្ពុជាពីការស្លាប់ដោយគ្រាប់មីន

• លោក អេលែន តាន់ ជាស្ថាបនិកនៃអង្គការស្ទែមកម្ពុជា

• លោក អេលែន តាន់ ធ្លាប់ទទួលបានគ្រឿងឥស្សរិយយសមួយចំនួនពីរាជរដ្ឋាភិបាលកម្ពុជាចំពោះស្នាដៃការងារ និងគម្រោងរបស់លោកកន្លងមក។

ការពិតទៅលោក អេលែន តាន់ មិនត្រឹមតែមានសមត្ថភាពខ្ពស់ក្នុងការងារទេ លោកក៏ជាបុរសម្នាក់ដែលមាន អត្តចរិតល្អ  រួសរាយរាក់ទាក់ និងមុខមាត់ស្អាត  សង្ហាគួរឲ្យស្រឡាញ់ខ្លាំងថែមទៀតផង។

ចុងក្រោយសូមជូនពរកញ្ញា Adda និងលោក អេលែន តាន់ ឲ្យស្រលាញ់គ្នាជារៀងរហូត និងរស់នៅជាមួយគ្នាប្រកបដោយសុភមង្គល៕

សូមទស្សនារូបភាពបុរសសង្ហា អេលែន តាន់ នៅខាងក្រោមនេះ៖ 

• អេដា