ភ្នំពេញ៖ បច្ចេកវិទ្យានៅក្នុងសកលលោកចេះតែរីកចំរើនពីមួយថ្ងៃទៅមួយថ្ងៃ សូម្បីការចាយវាយប្រចាំថ្ងៃក៏មានការប្រែប្រួលដូចគ្នាដែរ។ គ្រីពតូ (Cryptocurrency) គឺជារូបិយប័ណ្ណថ្មីបែបឌីជីថលមួយប្រភេទ ដែលអនុញាត្តិឲ្យអ្នកប្រើប្រាស់ធ្វើការទិញទំនិញបានដោយមិនបាច់ពឹងផ្អែកលើធនាគារ និងមិនបាច់បង់ថ្លៃសេវាទៀតផង។
យើងដឹងហើយថា រូបិយប័ណ្ណគ្រីពតូ ហាក់បីដូចជាមានភាពពេញនិយមខ្លាំងមែនទែនទាំងនៅក្នុងប្រទេសមហាអំណាច និងបណ្តាប្រទេសជាច្រើនផ្សេងទៀតទូទាំងពិភពលោក។ ក្នុងពេលនេះ ប្រទេសកម្ពុជាយើងក៏មានកូនខ្មែរម្នាក់បានផ្តួចផ្តើមគំនិត និងឈានទៅដល់ការបង្កើតរូបិយប័ណ្ណបែបឌីជីថលនេះបានសំរេចចេញជារូបរាងផងដែរ។ លោក អ៊ិន មាន ដែលជាស្ថាបនិកគ្រីពតូខ្មែរដំបូងគេបង្អស់នៅកម្ពុជាបានដាក់ឈ្មោះរូបិយប័ណ្ណឌីជីថលនេះថា "KHCOIN" ឬភាសាខ្មែរ «ខេអេកខ័ញ» ដែលមានអត្ថន័យថា កាក់ខ្មែរ។ សូមចូលទៅកាន់តំណភ្ជាប់នេះ ដើម្បីបង្ហាញពីវត្តមានរបស់ KHCOIN នៅលើទីផ្សារ។
បន្ថែមពីនេះ លោក អ៊ិន មាន ក៏បានបង្កើតឲ្យមានសមាគមខ្មែរគ្រីពតូនៅកម្ពុជាផងដែរ។ លោកបានបង្ហើបថាគោលបំណងនៃការបង្កើតសមាគមខ្មែរគ្រីពតូនេះឡើង ដើម្បីចែកចាយចំណេះដឹង និងអត្ថប្រយោជន៍នៃរូបិយប័ណ្ណគ្រីពតូ ឬប្លុគឈេន (Blockchains) ទៅដល់សមាជិក និងសមាជិការរបស់សមាគមផ្ទាល់តែម្តង។ លោក អ៊ិន មាន ក៏បានបន្តទៀតដែរថា បច្ចេកវិទ្យាខាងលើនេះ កំពុងត្រូវបានប្រើប្រាស់នៅក្នុងបណ្តាប្រទេសនានា ដើម្បីបង្កើនភាពងាយស្រួលក្នុងការទូទាត់ប្រាក់ប្រកបដោយតម្លាភាព សុវត្ថិភាព និងចំណេញពេលវេលាជាច្រើនទៀតផង។
គួរបញ្ជាក់ថា រូបិយប័ណ្ណគ្រីពតូកំពុងតែមានភាពល្បីល្បាញនៅលើពិភពលោក ដូច្នេះការបង្កើតសមាគមខ្មែរគ្រីពតូនេះឡើងនឹងអាចធ្វើឲ្យអ្នកជំនួញ ក៏ដូចជាប្រជាជនកម្ពុជាមួយចំនួនទៀតបានយល់កាន់តែច្បាស់អំពីបច្ចេកវិទ្យាដែលអាចផ្តល់ផលប្រយោជន៍យ៉ាងច្រើននៅក្នុងមុខជំនួញរបស់ពួកគេផងដែរ។
ដើម្បីយល់ដឹងកាន់តែច្បាស់អំពីគ្រីពតូ សូមចូលរួមនៅក្នុងព្រឹត្តការបច្ចេកវិទ្យាដ៏ធំជាងគេមួយនៅកម្ពុជា ដែលធ្វើឡើងនៅថ្ងៃទី១៧ ខែវិច្ឆិកា ឆ្នាំ២០១៧ ខាងមុខនេះ ដែលមានទីតាំងស្ថិតនៅអគារ Raintree Cambodia, GF-02 Raintree, #299 ផ្លូវព្រះអង្គឌួង (St. 110), សង្កាត់វត្តភ្នំ, ខណ្ឌដូនពេញ, រាជធានីភ្នំពេញ។ កម្មវិធីចាប់ផ្តើមពីម៉ោង ៥ល្ងាច រហូតដល់ម៉ោង ៩យប់។
ចំពោះតម្លៃសំបុត្រចូលរួមក្នុងម្នាក់២០ដុល្លារ (១០ដុល្លារសម្រាប់អ្នកបានកក់មុន)។ ព័ត៌មានបន្ថែមសូមទំនាក់ទំនងមកកាន់លេខទូរសព្ទ៖ 085 83 66 42 និង 085 83 66 47៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]