ភ្នំពេញ៖ តារាចម្រៀងរូបសង្ហាលោក ឆន សុវណ្ណរាជ បច្ចុប្បន្នកំពុងតែទទួលបាននូវប្រជាប្រិយយ៉ាងពីទស្សនិកជន ពិសេសគឺតាមរយៈការសម្តែងរឿង «សិសិររដូវក្នុងនបេះដូង» របស់លោក និងកញ្ញា សុគន្ធ និសា ផងដែរ។
ប៉ុន្តែ តើមានរឿងអ្វីកើតឡើង បានជាលោក សុវណ្ណរាជ ផុសរៀបរាប់ពីអារម្មណ៍ក្រៀមក្រំខ្លាំងម្ល៉េះ នៅលើហ្វេសប៊ុករបស់ខ្លួន កាលពីថ្ងៃម្សិលមិញនេះ?
ជាការពិតណាស់ នៅក្នុងហ្វេសប៊ុករបស់កំពូលតារាចម្រៀងល្បីល្បាញលោក ឆន សុវណ្ណរាជ គឺមានអ្នកគាំទ្ររហូតដល់ទៅជាង៥សែននាក់ឯណោះ ដែលគេកម្រឃើញលោកផុសបង្ហាញពីអារម្មណ៍ក្រៀមក្រំដូច្នេះណាស់តាំងពីដើមមក។
ទើបតែពេលនេះលោកបានបង្ហោះរូបភាពឈរម្នាក់ឯង ហើយរៀបរាប់យ៉ាងកម្សត់ថា៖
«មនុស្សក្នុងប្រទេសមានជាង១៤លាននាក់ ម៉េចក៏ខ្ញុំរកមិនបានសូម្បីតែម្នាក់ មកជំនួសម្នាក់ហ្នឹងចឹង អ្នកដឹងអត់? ព្រោះតែអ្នកម្នាក់គត់ ទើបធ្វើឱ្យខ្ញុំមានអារម្មណ៍ថា ចង់នៅម្នាក់ឯង»។
ទន្ទឹមនឹងនេះក៏មានអ្នកគាំទ្រមួយចំនួនក៏បានសម្តែងក្តីអាណិតទៅកាន់លោក ឆន សុវណ្ណរាជ យ៉ាងខ្លាំង ព្រមទាំងបញ្ចេមតិយោបល់នៅខាងក្រោមនោះថា ចាក់ដោតដល់ចិត្តពួកគេណាស់។
ប៉ុន្តែការពិតយ៉ាងណានោះ លោក ឆន សុវណ្ណរាជ មិនទាន់បានទម្លាយឱ្យអ្នកគាំទ្ររបស់ខ្លួនបានដឹងច្បាស់នៅឡើយនោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]