ភ្នំពេញ៖ ប្រិយមិត្តជាច្រើនប្រាកដជាដឹងហើយថា មួយរយៈពេលនេះលោកយាយចាន់ ស៊ីផាន់ ដែលជាតារាសម្តែងជើងចាស់ និងល្បីឈ្មោះ ធ្លាក់ខ្លូនឈឺជាទម្ងន់ ថែមទាំងមានបំណងប្រាថ្នាចុងក្រោយថា ចង់ជួបអ្នកសិល្បៈរួមជំនាន់របស់ខ្លួន។
នៅក្នុងចំណោមអ្នកសិល្បៈទាំងអស់ លោកយាយហាក់ដូចជាចង់ជួបនាយកុយ និងនាយក្រឹមខ្លាំង ព្រោះលោកយាយខំប្រឹងនិយាយ ប្រាប់ទៅឲ្យកូនចៅឲ្យដឹង នឹងផ្សាយដំណឹងនេះទៅ លោកទាំងពីរ។
ក្រោយពីបានទទួលដំណឹងនេះ នាយកុយ ក៏បានទៅជួបម៉ែផាន់ ទៅតាមបំណង នៅឡើយតែនាយក្រឹមដែលរវល់នៅក្នុងការងារ ព្រោះត្រូវនៅឯខេត្ត ក៏ប៉ុន្តែនាយក្រឹម នៅតែមិនភ្លេចនោះឡើយ។
ផ្អែកតាមរយៈហ្វេសប៊ុករបស់តារាកំប្លែងភ្នែកតូច នាយកុយ រូបនេះបានបង្ហោះសារជាប់ជាមួយនឹងរូបភាពបញ្ជាក់ឲ្យកាន់តែច្បាស់ថា៖
«ខ្ញុំបានមកជួបម៉ែផាន់ហើយនៅមន្ទីពេទ្យសូវៀតបន្ទប់សង្គ្រោះបន្ទាន់ លោកគ្រូពេទ្យថាគាត់ជាជំងឺចាស់ជរា ដោយសារគាត់មានអាយុច្រើនហើយ បើតាមកូនក្មួយគាត់និយាយថាអាយុខ្វះពីបីខែទេគាត់អាយុ ៩៥ឆ្នាំ ហើយលោកគ្រូពេទ្យ អោយដឹកគាត់ទៅផ្ទះវិញទៅ ព្រោះអីកម្លាំងគាត់ខ្សោយហើយ ចឹងខ្ញុំបានជូនថវិកាគាត់ចំនួន100$ ហើយខ្ញុំបានសួគាត់ម៉ែស្គាល់ខ្ញុំអត់ គាត់ថាស្គាល់ហើយខ្ញុំបានប្រាប់គាត់ថា ក្រឹមមិនទាន់មកទេជាប់ថតថ្ងៃទី10 បានគាត់មកជួបម៉ែចឹង ខ្ញុំសូមជូនបុណ្យដល់កូនក្មូយទាំងអស់គ្នាផង»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
