ដល់ស្លៀកឈុតដូចគ្នាបែបនេះទៅ ឃើញAnne ឡើងក្មេង ដូច Yaya!

ថៃ៖ តារាស្រីថៃជើងចាស់ Anne Thongprasom ដែលគ្រប់គ្នាស្គាល់ថាសព្វថ្ងៃនាងប្តូរអាជីពពីតារាសម្តែង មកធ្វើជាអ្នកដឹកនាំរឿងប្រចាំទូរទស្សន៍ថៃ ប៉ុស្តិ៍លេខ៣ និងមានមុខជំនួញផ្សេងៗផ្ទាល់ខ្លួនជាច្រើនទៀតនៅក្នុងដៃ។

តួយ៉ាង គេសង្កេតឃើញសម្រស់អ្នកដឹកនាំស្រីវ័យឈានជិត៤០ឆ្នាំម្នាក់នេះ នៅតែស្រស់ស្អាតមិនកាត់ទៅរកអាយុសោះឡើយ។

ម៉្យាងវិញទៀត អ្វីដែលគួរឲ្យចាប់អារម្មណ៍នោះគឺ នៅពេល Anne Thongprasom និងតារាសម្តែងមុខមាត់គួរឲ្យស្រលាញ់ និងស្ថិតនៅលំដាប់ជួរមុខនៃប្រទេសថៃ Yaya Urassaya បានប៉ះគ្នាក្នុងឈុតរ៉ូបតែមួយ គឺមើលទៅពួកគេស្រស់សោភាមិនចាញ់គ្នាប៉ុន្មានទេ។

ជាពិសេស ហ្វេនៗនាំគ្នាកោតសរសើរពី Anne ទោះបីវ័យជ្រេក៏មែនពិត តែពេលនាងស្លៀកឈុតបែបនេះហើយមើលទៅនៅតែក្មេង និងស្រស់ស្អាត អាចនិយាយបានថាសម្រស់របស់នាងអាចស្ថិត ក្នុងវ័យប្រហាក់ប្រហែលនឹង Yaya បានផងដែរ៕ 

• ម៉ូត
• រូបភាព