ភ្នំពេញ៖ តារាចម្រៀង Original Song កញ្ញា ឡូរ៉ា ម៉ម ដែលប្រិយមិត្តបាន ស្គាល់រូបនាងតាម រយៈបទចម្រៀង «ស្វារាំMonkey» ។ ហើយបទចម្រៀងមួយបទនេះ ក៏បានធ្វើឲ្យប្រជាប្រិយភាពរបស់នាង ចាប់ផ្តើមកើនឡើង តាំងពីពេលនោះមកផងដែរ។

ដោយឡែក ស្រាប់តែព្រឹកមិញនេះ តារាចម្រៀងអាណិកជនខ្មែរម្នាក់នេះ បានទទួលដំណឹង ដ៏ពិសេសបំផុតមួយ ទាំងព្រឹកព្រលឹមតែម្តង ដោយរូបនាងបានបង្ហោះសារ នៅលើផេកហ្វេសប៊ុករបស់នាងថា៖ “ខ្ញុំរីករាយណាស់ ដោយថ្ងៃនេះ ខ្ញុំបានទទួលដំណឹង ដ៏ល្អបំផុតមួយ។ ខ្ញុំបានជាប់ជាបេក្ខនារី ក្នុងជម្រើសចុងក្រោយបំផុត សម្រាប់ជាជ័យលាភីម្នាក់ ដែលអាចទទួលពានរង្វាន់ ស្រ្តីនៃអនាគត ក្នុងអាស៊ីភាគអាគ្នេយ៏ ខាងផ្នែកសិល្បៈ និង វប្បធម៌។ ខ្ញុំពិតជាមានកិត្តិយស និង មានមោទនភាព ខ្លាំងណាស់ ក្នុងការធ្វើជាតំណាង ឱ្យប្រទេសកម្ពុជា ចូលការប្រកួតប្រជែង ជាមួយស្ត្រី ក្នុងអាស៊ីភាគអាគ្នេយ៍ដ៏ឆ្នើម។ ខ្ញុំសូមអបអរសាទរ និង សូមជូនសំណាងល្អ ចំពោះបេក្ខនារីខ្មែរទាំងអស់ ដែលត្រូវបាន ជ្រើសរើសជាបេក្ខនារី ចុងក្រោយរបស់កម្ពុជា ដូចជាមាន ជ័យច័ន្ទកេត្យា កូយសូដានី យឹមរាដេត Dr. ពៅរតនា សុទ្ធចន្ថា កុងសូរីតា សូគុន្ធី មនសារួត សុខស៊ីគៀង នឹង ឡាវមីសែល។ ជយោកម្ពុជា”។

ជាក់ស្តែង បើផ្អែកតាម ការបង្ហោះសារមួយនេះ រូបនាងមិនមែនជាមនុស្សតែម្នាក់ ដែលជាប់ជាបេក្ខនារី ក្នុងជម្រើសចុងក្រោយបំផុតនោះទេ ប៉ុន្តែនៅមានបេក្ខនារីខ្មែរផ្សេងទៀត ដែលនាងបានរៀបរាប់ខាងលើ។

យ៉ាងណាមិញ ទាំងនេះគឺជាមោទនភាពមួយសម្រាប់ប្រទេសកម្ពុជា ដែលមានបេក្ខនារី អាចជាប់ក្នុងជម្រើសចុងក្រោយ ក្នុងកម្មវិធីលក្ខណៈអន្តជាតិ ហើយនឹងអាចក្លាយជាម្ចាស់ពានរង្វាន់ ស្រ្តីនៃអនាគត ក្នុងអាស៊ីភាគអាគ្នេយ៏នេះ៕ 

សារដែលកញ្ញា ឡូរ៉ា ម៉មបង្ហោះ
កញ្ញា ឡូរ៉ា ម៉ម
កញ្ញា ឡូរ៉ា ម៉ម
កញ្ញា ឡូរ៉ា ម៉ម

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ឡូរ៉ា ម៉ម