គន្លឹះថែរក្សារូបរាង និងបញ្ចុះទម្ងន់មានច្រើនប្រភេទ ច្រើនបែបណាស់ តែក៏មិនមែនបានន័យថាអ្នកណាក៏សុទ្ធតែប្រើប្រាស់វិធីអស់ទាំងនោះមានលទ្ធផលដែរ ។ មិនថាតែមនុស្សសាមញ្ញទេ សូម្បីតែតារាប្រុសស្រីជាច្រើននាក់ ក៏តែងតែរិះរក និងព្យាយាមរកមធ្យោបាយដែលមានប្រសិទ្ធភាព ដើម្បីបញ្ចុះទម្ងន់ និងរក្សារូបរាងកាយឱ្យនៅតែស្រស់ស្អាត សាកសមនឹងឈ្មោះជាតារាល្បីផងដែរ។
ដូច្នេះថ្ងៃនេះយើងនឹងលើកយកវិធីថែរក្សារូបរាងរបស់តារាល្បីៗដែលតែងតែប្រើប្រាស់ជាប្រចាំមកបង្ហាញមិត្តអ្នកអានដូចខាងក្រោម៖
១. មិនទទួលទានស៊ុតជាអាហារពេលព្រឹក
តារាសម្តែងប្រុស Channing Tatum បានឱ្យដឹងថា ស៊ុតជាអាហារដែលមានជាតិប្រូតេអ៊ីនខ្ពស់ ហើយការទទួលទានស៊ុតជាអាហារពេលព្រឹកនឹងធ្វើឱ្យរាងកាយបញ្ចេញថាមពលយ៉ាងច្រើនដើម្បីដុតបំផ្លាញអាហារមួយនេះ។ ដូច្នេះត្រឹមតែ ១ ទៅ២ម៉ោងបន្ទាប់ អ្នកនឹងឃ្លានអាហារ ឬរបស់ផ្អែមៗដើម្បីបំប៉នកម្លាំងបន្ថែមជាមិនខាន។ ការទទួលទានស៊ុតជាអាហារថ្ងៃត្រង់ទើបជាការប្រសើរ។ ជាពិសេសនោះ ដើម្បីបានសាច់ដុំធំៗ រូបរាងស្អាតស្រស់សង្ហា តារាសម្តែង Channing Tatum បានចំណាយពេលហាត់ប្រាណ ៣ម៉ោងក្នុង១ថ្ងៃ និងព្យាយាមទទួលទានអាហារដែលល្អសម្រាប់សុខភាពរាងកាយបន្ថែម។
២. ចាប់ផ្តើមពេលព្រឹកជាមួយទឹកក្រូចឆ្មាមួយកែវ
ដោយសារក្រូចឆ្មារសម្បូរអង់ស៊ីម និងវីតាមីន C ជំនួយថ្លើម ថែមទាំងអាចសម្អាតពោះវៀន និងបញ្ចេញកាកសំណល់មេតាប៉ូលីសមិនល្អចេញពីរាងកាយ តារាសម្តែងប្រុស Chris Pratt តែងតែទទួលទានទឹកក្តៅឧណ្ហៗមួយកែវ ដោយបន្ថែមក្រូចឆ្មារមួយចំណិតផងជារៀងរាល់ព្រឹក។ អ្នកអាចអនុវត្តវិធីនេះប្រសិនជាអ្នកមិនមានបញ្ហាទាក់ទងនឹងជំងឺក្រពះទេនោះ។ លោក Chris Pratt ថែមទាំងព្យាយាមតមជាតិអាល់កុល និងគ្រឿងស្រវឹងជិតកន្លះឆ្នាំ ទម្រាំបានរូបរាងស្អាតសាច់ដុំធំៗបែបនេះ បូកផ្សំនឹងការចំណាយពេលហាត់ប្រាណបន្ថែមមួយថ្ងៃ៤ម៉ោង។
៣. ទទួលទានទឹកផ្លែឈើស្រស់ៗ ជំនួសទឹកផ្លែឈើកំប៉ុង
ទឹកក្រឡុកស្រស់ៗ រួមទាំងផ្លែឈើ និងបន្លែជាភេសជ្ជៈដែលសម្បូរទៅដោយវីតាមីនមានប្រយោជន៍ជាច្រើន ដែលអាចផ្តល់ថាមពលដល់រាងកាយ ធ្វើឱ្យកម្រិតជាតិស្ករក្នុងឈាមរបស់អ្នកនៅថេរ ថែមទាំងជំនួយដល់ប្រព័ន្ធរំលាយអាហារបានផងដែរ។ ដូច្នេះហើយបានជាតារាចម្រៀងស្រី Fergie បន្ទាប់ពីសម្រាលបុត្រតែងតែទទួលទានទឹកផ្លែឈើ ឬទឹកបន្លែស្រស់ក្រឡុកជាប្រចាំ បូកផ្សំនឹងការខិតខំហាត់ប្រាណ និងទទួលទានរបបអាហារដែលផ្តល់ប្រយោជន៍ចំពោះរាងកាយ និងការបញ្ចុះទម្ងន់រហូតទទួលបានរូបរាងស្រស់ស្អាតស្វែលជាងមុនដូចចិត្តប្រាថ្នា។
៤. ទទួលទានអាហារដែលមានជាតិប្រូតេអ៊ីនទាប
មនុស្សជាច្រើនតែងតែទទួលទានអាហារដែលមានជាតិប្រូតេអ៊ីនជារបបប្រចាំថ្ងៃដើម្បីបញ្ចុះទម្ងន់ និងរក្សារូបរាងឱ្យបានស្អាត។ ប៉ុន្តែអាហារដែលផ្តល់ប្រូតេអ៊ីនច្រើនមិនត្រឹមតែមិនអាចធ្វើឱ្យអ្នកស្រកទម្ងន់បានទេ តែជាតិប្រូតេអ៊ីនលើសក្នុងរាងកាយថែមទាំងអាចប៉ះពាល់ដល់មុខងារតម្រងនោមផងដែរ។ ដូច្នេះហើយ តារាសម្តែងស្រី Drew Barrymore បានព្យាយាមសម្រកទម្ងន់ដោយទទួលទានអាហារដែលមានជាតិប្រូតេអ៊ីនទាប រួមទាំងអាហារដែលមានគុណប្រយោជន៍ចំពោះសុខភាពរាងកាយ និងព្យាយាមហាត់យូហ្គាបន្ថែម ដើរហាត់ប្រាណ រៀនរាំ ទម្រាំអាចបញ្ចុះទម្ងន់ថែមទាំងបានចួលរួមសម្តែងភាពយន្តមួយរហូតទទួលបានភាពជោគជ័យផងដែរ។
៥. ផ្លាស់ប្តូរលំហាត់ប្រាណរៀងរាល់ ១០ថ្ងៃម្តង
ប្រសិនជាអ្នកតែងតែព្យាយាមធ្វើលំហាត់ប្រាណដដែលៗជារៀងរាល់ថ្ងៃ អ្នកគួរតែផ្លាស់ប្តូរទៅធ្វើលំហាត់ប្រាណផ្សេងជំនួសវិញ ដើម្បីសម្រាកសាច់ដុំ ក្នុងរយៈពេល ១០ថ្ងៃម្តង។ ដូច្នេះហើយបានជាតារាចម្រៀងស៊ិចស៊ី Britney Spears អាចត្រលប់មកឆាកតន្ត្រីម្តងទៀតបានជាមួយនឹងរូបរាងដ៏ស្វែលស្រស់ស្អាតស៊ិចស៊ីជាងមុននៅទៀត ដោយសារតែការប្រឹងប្រែងហាត់ប្រាណជាប្រចាំដូចជា ហាត់ប្រាណជំនួយបេះដូង (Cadio) រត់ និងលំហាត់ផ្សេងៗជាច្រើនទៀតជាដើមជាមួយនឹងការទទួលទានរបបអាហារជំនួយសុខភាព។
៦. ហាត់ប្រាណនៅពេលព្រឹក
មនុស្សជាច្រើនតែងតែគិតថាការហាត់ប្រាណពេលល្ងាចល្អ តែការពិតការហាត់ប្រាណរាល់ព្រឹកមានប្រយោជន៍ចំពោះការស្រកទម្ងន់ជាង។ ដូច្នេះតារាស្រី Christina Aguilera ដែលជាតារាចម្រៀងផង តារាសម្តែង និងជាអ្នកនិពន្ធចម្រៀងផង តែងតែហាត់ប្រាណពេលព្រឹកជាប្រចាំ ៥ដងក្នុងមួយសប្តាហ៍ដូចជា ហាត់យូហ្គាជាដើម ព្រមទាំងកាត់បន្ថយរាល់អាហារចំអិនស្រាប់ដែលមិនល្អចំពោះសុខភាពផងដែរ។
៧. ចៀសឱ្យឆ្ងាយពីអាហារដែលមានជាតិប្រូតេអ៊ីន និងភេសជ្ជៈកីឡា
តារាសម្តែងប្រុស Jonah Hill បានប្រាប់ថា អាហារដែលមានជាតិប្រូតេអ៊ីនខ្ពស់ដូចជារបស់ផ្អែមៗ សូកូឡា នំគុកឃីរួមទាំងភេសជ្ជៈកីឡា ប៉ូវកម្លាំងសម្បូរទៅដោយជាតិស្ករផ្អែម កាហ្វេអ៊ីន និងសូដ្យូមខ្ពស់ ដែលវាអាចផ្តល់ថាមពេលឱ្យអ្នកខ្លាំងក្លាឆាប់រហ័សក៏ពិតមែន តែក៏ងាយនឹងធ្វើឱ្យអ្នកឆាប់អស់កម្លាំងឆាប់ដែរ។ ដូច្នេះ លោក Jonah Hill ព្យាយាមមិនទទួលទានរបស់ផ្អែមៗអស់ទាំងនោះ រួមទាំងតមគ្រឿងស្រវឹង ការខំធ្វើលំហាត់ប្រាណផ្សេងៗ និងទទួលទានរបបអាហារដែលមានប្រយោជន៍ចំពោះសុខភាព រហូតទទួលបានរូបរាងស្រស់សង្ហាបែបនេះ។
៨. គិតគូរពីរបបអាហារប្រចាំថ្ងៃរបស់អ្នក
លោក Zach Galifianakis ជាតារាសម្តែង និងកំប្លែងប្រុស ព្យាយាមសម្រកទម្ងន់ដោយគិតគូរពីរបបអាហារទទួលទានជារៀងរាល់ពេលរបស់លោក ដោយការកំណត់ និងកាត់បន្ថយអាហារដែលមានជាតិម្សៅ និងប្រូតេអ៊ីនដោយបន្ថែមផ្កាខាត់ណាខៀវជំនួសសាច់ និងដំឡូងបារាំងជាដើម។ បន្ថែមពីនោះលោកព្យាយាមមិនទទួលទានស្រា និងអាហាចំអិនស្រាប់ដែលលោកចូលចិត្ត និងធ្វើការហាត់ប្រាណបន្ថែមងាយៗដូចជា ការប្រើជណ្តើជើងជំនួសការប្រើជណ្តើរយន្តជាដើម។
៩. ហ្វឹកហាត់ផ្នែករាងកាយ
តួអង្គ Thor ដែលសម្តែងដោយលោក Chris Hemsworth ទទួលបានរូបរាងស្រស់សង្ហា សាច់ដុំធំៗឱ្យសាកសមនឹងសាច់រឿង ដោយការធ្វើការហ្វឹកហាត់ផ្នែករាងកាយ (Intensive Training) ដូចជារត់ប្រណាំងនៅទីលានប្រកួត ហាត់កាយសម្ព័ន្ធនិងហាត់ប្រដាល់សេរីជាដើម។ យកល្អមុនសម្រេចចិត្តធ្វើការហាត់ប្រាណបែបនេះគូរតែពិគ្រោះជាមួយគ្រូពេទ្យជាមុនសិន ព្រោះវាអាចប៉ះពាល់ដល់ចលនាបេះដូង និងជីពចរជាដើម។ បន្ថែមពីការហាត់ប្រាណយកសាច់ដុំក្បាលពោះ និងដុតបំផ្លាញជាតិខ្លាញ់បែបនេះ លោក Chris Hemsworth តមមិនទទទួលទានអាហារដែលមានជាតិប្រូតេអ៊ីនខ្ពស់ដូចជា ត្រី សាច់ សាច់មាន់ និងស៊ុត ភេសជ្ជៈសម្បូរជាតិប្រូតេអ៊ីន និងអាហារដែលធ្វើចេញពីស្ករកែច្នៃជាច្រើនទៀត។
១០. ហាត់ប្រាណយ៉ាងហោចឱ្យបាន ១៥នាទី
តារាសម្តែងស្រី និងជាអ្នកនិពន្ធចម្រៀង Kelly Osbourne មានទម្លាប់ហាត់ប្រាណជាប្រចាំ ១៥នាទីជារៀងរាល់ថ្ងៃ និងផឹកទឹករ៉ែ ២កែវ មុននិងក្រោយពេលហាត់ប្រាណរួច។ ជាពិសេសគឺនាងមិនដែលរំលងអាហារពេលព្រឹកនោះឡើយ បូកផ្សំនឹងការទទួលទានរបបអាហារបំប៉នរាងកាយជាប្រចាំផងដែរ។ ទម្រាំបានរូបរាងស្លីមបែបនេះ Kelly Osbourne ថែមទាំងត្រូវបញ្ឈប់អាហារដែលចំអិនស្រាប់ៗ អាហារដែលធ្វើចេញពិជាតិម្សៅ និងស្ករផងដែរ។
១១. អាហារដែលមានជាតិកាកសសៃ (Fiber)
ជាតិកាកសសៃមិនត្រឹមតែជំនួយប្រព័ន្ធរំលាយអាហារប៉ុណ្ណោះទេ ថែមទាំងជួយឱ្យអ្នកស្រកទម្ងន់ផងដែរ។ ដូច្នេះហើយបានជាតារាសម្តែង និងជាតារាម៉ូឌែលស្រីឥណ្ឌា នាង Aishwarya Rai បន្ទាប់ពីសម្រាលកូនរួច នាងតែងតែទទួលទានអាហារដែលសម្បូរជាតិកាកសសៃជាប្រចាំដូចជា ត្រី បន្លែ ផ្លែឈើ គ្រាប់ធុញ្ញជាតិ បូកផ្សំនឹងការហាត់ប្រាណបន្ថែមផង រហូតទទួលបានរូបរាងស្រស់ស្អាតត្រលប់មកវិញ។
១២.អាហារចម្អិនស្រាប់ដែលល្អចំពោះសុខភាព
ទោះជាអាហារដែលចម្អិនស្រាប់មិនល្អចំពោះសុខភាពក៏ពិតមែន តែដោយសារតែពេលវេលាមិនអំណោយផល និងការងាររវល់ជាដើមអ្នកនៅតែចៀសមិនរួចពីអាហារអស់ទាំងនេះ។ ដូច្នេះហើយតារាចម្រៀងស្រី Adele នៅតែមានរូបរាងស្រស់ស្អាតបើទោះជាទទួលទានអាហារចម្អិនស្រាប់ក៏ដោយ នោះក៏ដោយសារតែ Adele បានព្យាយាមបន្ថែមផ្លែឈើ និងបន្លែជាច្រើននៅក្នុងអាហារចំអិនស្រាប់នោះ ជាពិសេសគឺអាហារពេលព្រឹកជាដើម។ ម្យ៉ងទៀតនាងព្យាយាមហាត់ប្រាណជាប្រចាំ ថែមទាំងតមអាហារដែលមានជាតិស្ករ និងម្សៅទៀតផង។
១៣. លើគ្រែគេងក៏ហាត់ប្រាណបានដែរ
ដើម្បីបានរូបរាងស្អាតតារាចម្រៀងស្រី Janet Jackson មិនត្រឹមតែទទួលទានរបបអាហារសុខភាពជាទៀងទាត់ និងធ្វើលំហាត់ប្រាណ៥ដងក្នុងមួយសប្តាហ៍រយៈពេល ៤៥នាទី នោះទេ។ អ្វីដែលប្លែកនោះ នាងបានហាត់ប្រាណនៅលើគ្រែគេង ដោយគេងលើគ្រែ រួចព្យាយាមប្រឹងងើបក្បាលពោះ និងខ្នងងើបឡើង រួចធ្វើបែបនេះត្រឹមតែ ១០ ទៅ ១៥ដងប៉ុណ្ណោះ។ ការធ្វើបែបនេះរាល់ថ្ងៃជាពិសេសរាល់ព្រឹកមិនត្រឹមតែជំនួយសាច់ដុំក្បាលពោះ និងជំនួយប្រព័ន្ធរំលាយអាហារផងដែរ។
១៤. កុំជឿជាក់លើអាហារដែលដាក់ថាមានជាតិស្ករ ឬខ្លាញ់តិច
អ្នកស្រី Renée Zellweger តារាសម្តែងរឿង Bridget Jones’s Diary តែងតែចៀសវាងអាហារដែលមានជាតិស្ករ ម្សៅ និងខ្លាញ់ បើទោះជាបញ្ជាក់ថាអាហារនោះមានសារធាតុស្ករ និងខ្លាញ់ទាបក៏ដោយ ព្រោះអាហារទាំងនោះមិនសូវសម្បូរសារធាតុចិញ្ចឹមសំខាន់ៗ និងធ្វើឱ្យប្រព័ន្ធរំលាយអាហារដំណើរការយឺតផងដែរ។ ដូច្នេះអ្នកស្រីតែងតែទទួលទានរបបអាហារប្រចាំថ្ងៃតិចបំផុត និងព្យាយាមផឹកទឹកឱ្យបានច្រើន ជាពិសេសធ្វើការហាត់ប្រាណជាប្រចាំដូចជា ហែលទឹក ហាត់យូហ្គា និងជិះកង់ជាដើម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]