ខេត្តព្រះសីហនុ ៖ បុរស់០៣នាក់បានស្លាប់នៅនឹងកន្លែងកើតហេតុក្នុងនោះមានជនបរទេសម្នាក់ផងដែរ បន្ទាប់ពីជួបគ្រោះថ្នាក់ចរាចរណ៍រវាងម៉ូតូ និងម៉ូតូកាលពីវេលាម៉ោង១០និង១០នាទីយប់ថ្ងៃទី៣១ ខែតុលា ឆ្នាំ២០១៧ លើផ្លូវ១៤៩C ស្ថិតនៅក្នុងភូមិ៦ សង្កាត់ ខេត្តព្រះសីហនុ ។
តាមព័ត៌មានពីសមត្ថកិច្ចចរាចរណ៍បានឲ្យដឹងថា គ្រោះថ្នាក់ចរាចរណ៍មួយកើតឡើង រវាងម៉ូតូធំមួយគ្រឿង ពណ៌ក្រហម ផ្លាកលេខ ភ្នំពេញ១BN-៤៥៤៦ អ្នកបើកឈ្មោះJammes CUmmis អាយុ៣០ឆ្នាំ ជនជាតិអូស្ត្រាលីម្នាក់ ស្នាក់នៅក្នុងសង្កាត់លេខ៣ ក្រុង-ខេត្តព្រះសីហនុ ពីឆ្នេរអូឈើទាលឆ្ពោះទៅឆ្នេរអូរត្រេះ លុះដល់ចំណុចខាងលើក៏បានបុកនឹងម៉ូតូមួយគ្រឿង C១២៥ ពណ៌ខ្មៅ ផ្លាកលេខ ភ្នំពេញ១FU-៩៣៣៨ អ្នកបើកបរឈ្មោះ ញ៉ ចាន់ធី អាយុ១៧ឆ្នាំ មុខរបរកម្មករ មានទីលំនៅភូមិ២ សង្កាត់លេខ២ ក្រុងព្រះសីហនុ មានអ្នករួមដំណើរលើម្នាក់ឈ្មោះឆែម មេសា អាយុ១៧ឆ្នាំ មុខរបរកម្មករ មានទីលំនៅភូមិ២សង្កាត់លេខ២ ក្រុងព្រះសីហនុ ដែលមានទិសដៅបញ្ច្រាស់គ្នា ។ គ្រោះថ្នាក់នេះបណ្ដាលឲ្យស្លាប់មនុស្សចំនួន03នាក់ជនជាតិអូស្ត្រាលីម្នាក់ស្លាប់នៅនឹងកន្លែងកើតហេតុ ភ្លាមៗ ។
បច្ចុប្បន្នសពជនរងគ្រោះទាំង០៣នាក់បានយកទៅតំកល់នៅវត្តឥន្ទញ្ញាណ ហៅ វត្តក្រោម រីឯវត្ថុតាងម៉ូតូចំនួន២គ្រឿង យកមករក្សាទុកនៅការិយាល័យនគរបាលចរាចរណ៍ផ្លូវគោក ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]