ភ្នំពេញ ៖ មន្ទីរពេទ្យពហុព្យាបាល ម៉ៅ សារី ដែលមានទីតាំងស្ថិតនៅតាមបណ្ដោយផ្លូវ៥១៦ សង្កាត់បឹងកក់១ ខណ្ឌទួលគោក បានទទួលរងការរិះគន់ថាបានកាប់ឆៅៗលើអ្នកជម្ងឺចូលសំរាកព្យាបាលជម្ងឺនៅទីនោះពោលគឺចូលព្យាបាលជម្ងឺធម្មតាត្រឹមតែជាង២ម៉ោងនិងអស់សេរ៉ូម១កផ្លោកសោះត្រូវចំណាយប្រាក់ជិត១០០ដុល្លារដែលបង្កការភ្ញាក់ផ្អើលនិងហួសចិត្តពីសំណាក់អ្នកជំងឺនិងបងប្អូនអ្នកជំងឺពេលខាងមន្ទីរពេទ្យចេញវិក័យប័ត្រគិតប្រាក់នោះ។
ប្រភពព័ត៌មានដ៏ជាក់លាក់មួយបានអោយដឹងថានៅវេលាម៉ោងប្រមាណ១និង៣០នាទីថ្ងៃទី២៣ខែធ្នូឆ្នាំ២០១១មាននារីម្នាក់បំរើការងារនៅក្នុងក្រុមហ៊ុនមួយក្បែរមន្ទីរពេទ្យពហុព្យាបាលខាងលើបានដួលសន្លប់ដោយសារជំងឺហើយត្រូវបានក្រុមហ៊ុនដឹកបញ្ជូនមកកាន់មន្ទីរពេទ្យពហុព្យាបាល ម៉ៅ សារី នេះភ្លាម។ក្រោយការពិនិត្យជំងឺពីក្រុមគ្រូពេទ្យបានដាក់បំពង់អុកស៊ីសែនមួយភ្លែត ព្យួរសេរ៉ូម១ផ្លោកនិងចាក់ថ្នាំ១ម្ជុលហើយអ្នកជំងឺបានដឹងខ្លួនធម្មតាឡើងវិញ។
បន្ទាប់ពីអ្នកជំងឺបានធូរស្រាលបន្តិចក្រុមគ្រួសារបានគិតគ្នាថាបើយើងនៅដេកសំរាកព្យាបាលក្នុងមន្ទីរពេទ្យនេះយូរពេកអាច់អស់លុយច្រើនដូច្នេះយើងទៅព្យាបាលនៅផ្ទះវិញល្អជាងព្រោះជំងឺមិនធ្ងន់ធ្ងរនោះទេគ្រោន់តែខ្យោយអស់កម្លាំងប៉ុណ្ណោះ។នៅពេលដែលជជែកគ្នារួចក៏បានអោយក្រុមគ្រូពេទ្យក្នុងមន្ទីរពហុព្យាបាលជំងឺនេះគិតលុយដោយសេរ៉ូម១ផ្លោកហូរមិនទាន់អស់ផងទើបតែអស់ពាក់កណ្ដាលប៉ុណ្ណោះ។នៅពេលវិក័យប័ត្រគិតប្រាក់ចេញមកក៏បានធ្វើអ្នកជំងឺនិងក្រុមគ្រួសារមានការភ្ញាក់ផ្អើលនិងហួសចិត្តយ៉ាងខ្លាំងព្រោះថាការគិតលុយនោះអស់ថវិកាច្រើនពេកនឹកស្មានមិនយល់ពោលគឺត្រឹមតែសេរ៉ូម១ផ្លោក និងសេវាផ្សេងៗហើយសំរាកត្រឹមតែជាង២ម៉ោងប៉ុណ្ណោះអស់ទឹកប្រាក់រហូតដល់៨០ដុល្លារ។
ក្នុងខណៈនោះភាពតវ៉ាបានកើតឡើងដើម្បីអោយដឹងថាប្រើថ្នាំអ្វីខ្លះដែលមានតម្លៃខ្ពស់បែបនេះប៉ុន្តែការតវ៉ាមិនអាចទៅរួចដោយគ្រូពេទ្យនៅទីនោះមកនិយាយយ៉ាងព្រហើនបើមិនបង់លុយគឺមិនអោយអ្នកជំងឺចេញ។ហេតុនេះហើយដើម្បីកុំអស់លុយកាន់តែច្រើនថែមទៀតអ្នកជំងឺក្រោមការបរិច្ចាគលុយពីក្រុមហ៊ុនសុខចិត្តផ្ដល់លុយអោយទៅពេទ្យគ្រប់ចំនួនហើយនាំអ្នកជំងឺមកផ្ទះវិញ។ជុំវិញភាពមិនប្រក្រតីរបស់មន្ទីរពេទ្យពហុព្យាបាល ម៉ៅ សារី នេះសូមស្ថាប័នពាក់ព័ន្ធពិសេសក្រសួងសុខាភិបាលមេត្តាជួយមើលនិងចាត់វិធានការផង៕
ដកស្រង់ពីគេហទំព័រ កម្ពុជាថ្មី
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]