ឈប់គិតច្រើន! បំបាត់ផ្លែសាច់បានដោយងាយ ជាមួយនឹងរបស់ធម្មជាតិ ទាំងអស់នេះ!

ស្នាមរបួស ដែលបានជាសះស្បើយហើយ មួយភាគច្រើន គឺវានឹងបង្កទៅជាកើតផ្លែនៅលើសាច់ ដែលជាហេតុធ្វើឱ្យយើងបាត់បង់សម្រស់មួយផ្នែក ជាពិសេសបើវាកើតនៅលើមុខថែមទៀត រឹតតែធ្វើឱ្យយើងពិបាកនៅក្នុងចិត្តយ៉ាងខ្លាំង។ ដោយភាគច្រើនស្នាមផ្លែទាំងនេះគឺវាកើតចេញមកពីការកើតមុន រលាកភ្លើង ឬស្នាមវះកាត់ ជាដើម។

អ្នកខ្លះ បានចំណាយប្រាក់ច្រើនសន្ធឹកសន្ធាប់ ដើម្បីទៅវះកាត់យកវាចេញ ប៉ុន្តែក៏នៅបន្សល់ទុកស្លាកស្នាមមិនបាត់សោះ។ 

ដូច្នេះអ្នកគួរងាក មកប្រើឱសថបុរាណធម្មជាតិទាំងអស់នេះម្តងទៅមើល ព្រោះវាក៏អាចជួយលុបបំបាត់ផ្លែសាច់របស់លោកអ្នកបានយ៉ាងល្អ៖

១) ប្រេង Mustard Essential Oil៖ វាអាចបណ្តេញមេរោគ និងបាក់តេរីបានយ៉ាងល្អ ដោយជួយបំបាត់ស្នាមផ្លែ នៅលើសាច់ឱ្យបាត់បន្តិចម្តងៗ។ ងាយៗដោយអ្នកគ្រាន់តែយកវាមកលាបនៅកន្លែង ដែលកើតផ្លែសាច់នោះ មួយថ្ងៃ៣ដង។  

២) ទឹកក្រូចឆ្មារ៖ សម្បូរទៅដោយវីតាមីន C ខ្ពស់ ជួយព្យាបាលផ្លែសាច់តាមបែបធម្មជាតិ ដោយអ្នកគ្រាន់តែយកទឹកក្រូចឆ្មារស្រស់ៗ មកលាបនៅលើនោះ ហើយទុកចោលរយៈពេល៣០នាទី ចាំលាងទឹកចេញជាការស្រេច។ 

៣) ទឹកខ្មេះផ្លែប៉ោម៖ ទឹកខ្មេះដែលចម្រាញ់មកពីផ្លែប៉ោម អាចជួយលុបបំបាត់ស្នាមក្រហមផ្លែនៅលើសាច់បាន ដោយគ្រាន់តែយកវាមកលាបនៅលើនោះឱ្យសព្វហើយទុកឱ្យវាជ្រាបចូលក្នុងសាច់ជាការស្រេច។ 

៤) ខ្ទឹមស៖ មានគុណសម្បត្តិនៅក្នុងការកម្ចាត់មេរោគ ជួយព្យាបាលការរលាក។ ដូច្នេះសាកល្បងយកប្រេងដែលចម្រាញ់មកពីខ្ទឹមស មកលាបនៅលើផ្លែសាច់ ហើយទុកចោល១០នាទី ចាំលាងទឹកស្អាតចេញ នោះអ្នកនឹងទទួលបាននូវលទ្ធផលគួរជាទីគាប់ចិត្ត។ 

៥) ប្រទាលកន្ទុយក្រពើ៖ វាមានប្រសិទ្ធភាពអាចកម្ចាត់ស្នាមខ្មៅ ផ្លែសាច់បានយ៉ាងអស្ចារ្យ ដោយអ្នកគ្រាន់តែលាងសម្អាតកន្លែងផ្លែសាច់ជាមួយទឹកក្តៅ ហើយយក ជែលកន្ទុយក្រពើ មកលាបនៅលើនោះជាប្រចាំ វានឹងបាត់ទៅយ៉ាងឆាប់រហ័ស។

៦) ប្រេងឡាវែនឌឺ (Lavender Oil)៖ វាអាចព្យាបាលផ្លែនៅលើស្បែកបានយ៉ាងប្រសើរ ដោយគ្រាន់តែយកប្រេងឡាវែនឌឺមកលាបនៅលើផ្លែនោះ ហើយទុកឱ្យស្ងួតនៅលើស្បែកគឺជាការស្រេច។ 

៧) ដើមខ្លឹមចន្ទន៍ និងទឹកផ្លាកុលាប៖ ទឹកដែលសម្រាញ់មកពីផ្កាកុលាប និងដើមខ្លឹមចន្ទន៍ មានសមត្ថភាពអាចជួយធ្វើព្យាបាលផ្លែសាច់ឱ្យបាត់ទៅយ៉ាងរហ័ស ជាពិសេសធ្វើឱ្យស្បែកថ្មីឆាប់ដុះយ៉ាងលឿន។ ងាយៗដោយគ្រាន់តែយកវត្ថុទាំងពីរនេះលាយបញ្ចូលគ្នាឱ្យសព្វ ហើយលាបមុនពេលចូលគេង និងលាងចេញវិញនៅពេលព្រឹកព្រលឹមប៉ុណ្ណោះ។ 

៨) ទឹកឃ្មុំ៖ អាចជួយបម្រុងស្បែកតាមបែបធម្មជាតិ ដោយគ្រាន់តែយកទឹកឃ្មុំស្រស់ៗមកលាបនៅត្រង់កន្លែងរបួស នោះវានឹងជួយធ្វើឱ្យអ្នកទទួលបាននូវលទ្ធផលគួរជាទីគាប់ចិត្ត៕