ការជក់បារីត្រូវបានគេដឹងថាអាចប៉ះពាល់ដល់សុខភាព និងសួតយ៉ាងធ្ងន់ធ្ងរដូចជាក្អករ៉ាំរ៉ៃ ជាពិសេសអាចបណ្តាលឱ្យមានគ្រោះថ្នាក់ផ្សេងៗជាច្រើន ប៉ុន្តែនៅតែមានមួយមនុស្សចំនួនធំនៅតែមិនអាចកាត់ផ្តាច់វាបាន។ យកល្អប្រសិនជាអាចផ្តាច់បានទើបជាការប្រសើរ តែក្នុងករណីអ្នកពិបាកនឹងកាត់ផ្តាច់ ឬព្យាយាមផ្តាច់បារីហើយនៅតែមិនអាចធ្វើបាននោះ អ្នកគួរតែរកវិធីថែទាំ និងបណ្តេញជាតិពុលមួយចំនួនចេញពីរាងកាយទើបជាការល្អ។ ថ្ងៃនេះយើងនឹងលើកយកការធ្វើភេសជ្ជៈមួយប្រភេទដែលអាចជួយលាងសម្អាតជាតិពុលពីក្នុងរាងកាយ និងសួតបានយ៉ាងមានប្រសិទ្ធភាព។
តោះ! មកតាមដានវិធីធ្វើទាំងអស់គ្នាដូចតទៅ៖
# វិធីធ្វើភេសជ្ជៈបន្សាបជាតិពុលពីក្នុងខ្លួន និងសួត
គ្រឿងផ្សំ
- ខ្ទឹមបារាំង ១គីឡូក្រាម
- ខ្ញី ១មើម
- ទឹកឃ្មុំ ៤០០ក្រាម
- ម្សៅរមៀត ២ស្លាបព្រា (១ចិប/ ១ទូកដៃ)
- ទឹកស្អាត ១លីត្រ
ការអនុវត្ត៖
- ហាន់ ឬចិតខ្ញី និងខ្ទឹមបារាំងជាចំណិតតូចៗល្មម
- ដាំទឹកស្អាតជាមួយទឹកឃ្មុំឱ្យពុះ រួចដាក់ខ្ទឹមបារាំង និងខ្ញីដែលហាន់រួចចូល រំងាស់ឱ្យបាន២ ទៅ៣នាទីសឹមបន្ថែមម្សៅរមៀតចូលរួចទុកឱ្យត្រជាក់។
- បន្ទាប់មកអ្នកអាចយកទៅច្រកដាក់កែវបិទមាត់ឱ្យជិត រួចទុកក្នុងទូទឹកកកសម្រាប់ទទួលទាននៅពេលក្រោយបាន។
ចំណាំ៖
អ្នកអាចទទួលទានភេសជ្ជមួយនេះ ២ដងក្នុងមួយថ្ងៃ និងម្តង១ស្លាបព្រា ។ ពេលព្រឹកពោះទទេរម្តង និងពេលល្ងាចមុនពេលចូលគេង ២ម៉ោងម្តងទៀត។
# គុណសម្បត្តិ
ខ្ញី៖ ជួយបំបាត់ស្លេស បណ្តេញមេរោគបាក់តេរី និងជាតិពុលផ្សេងៗចេញពីក្នុងសួត និងរាងកាយ។
ខ្ទឹមបារាំង៖ ជួយកាពារ និងបណ្តេញជាតិពុលដែលឆ្លងមេរោគទៅកាន់ផ្លូវដង្ហើម។
រមៀត៖ រមៀតសម្បូរវីតាមីន, រ៉ែ និងអាស៊ីតអូមេហ្គា៣ ដែលមានប្រយោជន៍ក្នុងការទប់ស្កាត់វីរុសផ្សេងៗ និងជំងឺផ្តាសាយ។ ជាពិសេសរឹតតែមានប្រសិទ្ធភាពនៅពេលដែលផ្សំជាមួយទឹកឃ្មុំ ដែលអាចជួយបង្ការមេរោគ សំអាតជាតិខ្លាញ់ និងជាតិពុលមិនល្អចេញពីសួតបានយ៉ាងល្អ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]