(ភ្នំពេញ)៖ តារាចម្រៀងដែលគេស្គាល់ឈ្មោះថា អ្នកនាង ទូច ស្រីលក្ខ បានបើករថយន្តស៊េរីទំនើបមួយគ្រឿងម៉ាក BMW បុកម៉ូតូ Dream C125 អូសប្រហែលម៉ូតូប្រហែល៣០០ម៉ែត្រ បណ្ដាលឲ្យបុរសម្នាក់រងរបួសស្រាល។
ហេតុការណ៍នេះកើតឡើង នៅវេលាម៉ោង១៖៣០នាទីរំលងអធ្រាតឈានចូល ថ្ងៃទី២៥ ខែតុលា ឆ្នាំ២០១៧ ស្ថិតនៅតាមបណ្ដោយផ្លូវ២១៧ កែងនិងផ្លូវវេងស្រេង ជិត កងរាជអាវុតហត្ថរាជធានីភ្នំពេញ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ។
តាមព័ត៍មានពីកន្លែងកើតហេតុបានឲ្យដឹងថា មុនពេលកើតហេតុគេឃើញតារាសំដែងខាងលើ បានបើករថយន្តស៊េរីទំនើបមួយគ្រឿង ម៉ាក BMW ពាក់ស្លាកលេខភ្នំពេញ 2AB-3288 បើកពីត្បូងទៅជើង ខណៈមកដល់ចំណុចកើតហេតុ ស្រាប់តែមានម៉ូតូ Dream C125 ឆ្នាំ២០១២ ពណ៌ពាក់ស្លាកលេខ កំពង់ធំ 1D-6904 បើកដោយបុរសម្នាក់ ពីកើតទៅលិច ក្នុងល្បឿនលឿនដូចគ្នា បុកគ្នាយ៉ាងពេញទំហឹង បណ្ដាលឲ្យម្ចាស់ម៉ូតូខ្ទាតចេញទៅម្ខាង រងរបួសស្រាល ហើយរថយន្តមិនបានព្រមឈប់ទេ គឺព្យាយាមរត់អូសម៉ូតូបានប្រហែល៣០០ម៉ែត្រ ទើបប្រជាពរដ្ឋដែលកំពុងដេញពីក្រោយឃាត់បាន រថយន្តទាំងម្ចាស់រថយន្តតែម្ដង។
ក្រោយកើតហេតុភាគីទាំងពីរ បានសំរបសំរួលគ្នា ដោយភាគីខាងរថយន្តព្រមសងសំណងថ្លៃព្យាបាល ទៅលើជនរងគ្រោះទាំងអស់ និងម៉ូតូដែលខូចខាតផងដែរ ដើម្បីបញ្ចប់រឿង៕
ប្រភព៖ Fresh News
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]