ពិតទេដែលថា សួស វីហ្សា បង្ហាញមុខគូស្នេហ៍ ហើយថែមទាំងមានស្នាមសាក់រួមគ្នា?

ភ្នំពេញ៖ មុននេះបន្តិច គណនីហ្វេសប៊ុក តារាចម្រៀងស្រីប្រចាំ ផលិតកម្ម ហង្សមាស កញ្ញា សួស វីហ្សា បានបង្ហោះរូបដែល បង្ហើបពីមុខមាត់គូស្នេហ៍ លើបណ្ដាញសង្គម។ លើសពីនេះ ក៏មានការបែកធ្លាយ រូបអ្នកទាំងពីរ ជាមួយស្នាមសាក់រួមគ្នា នៅលើដៃ ទៀតផង។

កាន់តែពិសេសនោះ បុរសនៅក្នុងរូបភាពដែលគេសង្ស័យជាគូស្នេហ៍ របស់ វីហ្សាត្រូវបានគេស្គាល់យ៉ាងច្បាស់ថា ជាតារាសម្ដែងដែលកំពុងមានប្រជាប្រិយភាពនាពេលបច្ចុប្បន្ននេះ ។

ជាក់ស្ដែង នេះគ្រាន់ជាការគិតដំបូងរបស់ អ្នកគាំទ្រក្រោយពីបានឃើញរូបភាពទាំងនេះ តែប៉ុណ្ណោះ ព្រោះរូបភាពប៉ុន្មានសន្លឹកនេះ មិនអាចបញ្ជាក់ច្បាស់ថា អ្នកទាំងពីរ មានទំនាក់ទំនងអ្វីឲ្យប្រាកដនោះទេ។

យ៉ាងណាមិញ មានតែម្ចាស់សាមីខ្លួនទេ ដែលអាចស្រាយបំភ្លឺ នូវសំនួរអ្នកគ្រប់គ្នា ពាក់ព័ន្ធនឹងរឿង មួយនេះបាន៕

ចុះប្រិយមិត្តអ្នកអានដទៃទៀត គិតម៉េចដែរ?  

• សួស វីហ្សា