ភ្នំពេញ៖ ក្រោយពីបានជួបសម្ភាសន៍ បង្ហាញពីអារម្មណ៍ពិតរបស់កូនក្រុម Coach សុវត្ថិ និងកូនក្រុម Coach កញ្ញា កាលពីពេលកន្លងទៅ នាព្រឹកនេះក្នុងកម្មវិធីព័ត៌មានពេលព្រឹករបស់លោក មាស ឬទ្ធី បានជួបសម្ភាសន៍ផ្ទាល់ ជាមួយនឹងកូនក្រុមទាំងពីររបស់ Coach សុគន្ធ និសា គឺប្អូនស្រី ឃុយ ម៉ីហៀង និង ណូ ឈូស៊ីងហេង ផងដែរ។
តាមរយៈការសម្ភាសន៍ផ្ទាល់ លោក ឬទ្ធី ក៏បានទម្លាយឱ្យដឹងពីរឿងមូលហេតុដែលមិនបង្ហាញលទ្ធផលនៃការបោះឆ្នោត ក៏ដូចជាការ Vote គាំទ្រពីសំណាក់ទស្សនិកជនទៅកាន់បេក្ខភាពប្រលងទាំងអស់គ្នា នៅក្នុងកម្មវិធីប្រលងចម្រៀងលំដាប់ថ្នាក់ពិភពលោកនេះផងដែរ។
លោក ឬទ្ធី បានរៀបរាប់ថា យោងតាមលោក អ៊ឹង សុខលី ដែលជាម្ចាស់គ្រប់គ្រងរបស់ហង្សមាស បានឱ្យដឹងថាការដែលមិនបញ្ចេញលទ្ធផលនៅលើអេក្រង់ឱ្យបានឃើញគឺដោយសារតែ កម្មវិធីប្រលងចម្រៀងដ៏ធំនេះ គឺបានទិញសិទ្ធិផលិត (License) មកពីប្រទេសគេ ដូច្នេះតម្រូវឱ្យមានការរៀបចំឱ្យកម្មវិធីទាំងមូល គឺមានទម្រង់ដើមតាមគេទាំងស្រុង។
ម្យ៉ាងទៀតគឺ ខាងកម្មវិធីគេដែលធ្លាប់បានរៀបចំឡើង មិនដែលបានបញ្ចេញលទ្ធផលនៃការបោះឆ្នោតគាំទ្រ ឱ្យមហាជនទូទៅបានឃើញផ្ទាល់ៗនៅលើអេក្រង់នោះទេ។
លោក ឬទ្ធី ក៏បានបន្តថា ក្នុងកម្មវិធីនេះមិនបានចង់លាក់បាំង ពីទស្សនិកជនទេ ប៉ុន្តែបើចង់បានបង្ហាញលទ្ធផលនេះ ត្រូវសុំការអនុញ្ញាតពីម្ចាស់ប្រទេសដើមជាមុនសិន ហើយពេលនេះហង្សមាស ក៏កំពុងតែបានមានការរៀបចំ ស្នើសុំ ម្តងទៀតទៅកាន់ប្រទេសដែលបានទិញសិទ្ធិផងដែរ៕
ទស្សនាវីដេអូការរៀបរាប់របស់លោក មាស ឬទ្ធី ដូចខាងក្រោមនេះ ចាប់ពីនាទីទី ២៥ តទៅ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]