កម្មវិធីទូរស័ព្ទដែលអនុញ្ញាតឲ្យអ្នកប្រើ អាចមើលឃើញគ្រឿងក្នុងមនុស្សបាន ដោយគ្រាន់តែ… (មានវីដេអូ)

អង់គ្លេស៖ កាលពីថ្មីៗនេះក្រុមហ៊ុន Curiscope ដែលជាក្រុមហ៊ុនមួយមកពីចក្រភពអង់គ្លេស បានបង្ហាញកម្មវិធីថ្មីមួយរបស់ខ្លួនដែលមានឈ្មោះថា Curiscope Virtuali-tee ដែលជាកម្មវិធីមួយអាចជួយឲ្យអ្នកមើលឃើញគ្រឿងក្នុងរបស់មនុស្សបានដោយគ្រាន់តែប្រើកម្មវិធីទូរស័ព្ទ និងពាក់អាវម៉្យាងដែលជួយសម្រួលឲ្យកម្មវិធី Virtual Reality មានដំណើរការប៉ុណ្ណោះ។

ប្រធានក្រុមហ៊ុន Curiscope លោក Ed Barton បានប្រាប់សារព័ត៌មានថា ក្រុមហ៊ុនរបស់ខ្លួនបានប្រើបច្ចេកវិទ្យា Virtual Reality និង Augmented Reality ដើម្បីជំនួយដល់ការមើលឃើញគ្រឿងក្នុងរបស់មនុស្ស  ប៉ុន្តែវាមិនមែនជាគ្រឿងក្នុងរបស់អ្នកពិតៗនោះទេ ហើយវាគ្រាន់តែជារូបភាពដែលផុសនៅលើអេក្រង់ទូរស័ព្ទប៉ុណ្ណោះ។

អាវយឺត និងកម្មវីធីនេះគឺជាឧបករណ៍ដ៏អស្ចារ្យមួយសម្រាប់អ្នកចង់ដឹង ចង់ឃើញ ហើយវាក៏អាចជួយដល់គ្រូពេទ្យ និងនិសិត្សផ្នែកវេជ្ជសាស្ត្រផងដែរ។

គួរបញ្ជាក់ផងដែរថា នៅក្នុងពេលនេះ ក្រុមហ៊ុន Curiscope បានទទួលការវិនិយោគទុនប្រហែលជា ១លានដុល្លារ ហើយពួកគេក៏បានលក់អាវដែលធ្វើឲ្យកម្មវិធីនេះមានដំណើរការចំនួន ៣ ០០០អាវផងដែរ៕