ខេត្តកំពង់ចាម ៖ បើតាមសេចក្តីរាយការណ៍មុននេះបន្តិចបានឱ្យដឹងថា មានការឆោឡោភ្ញាក់ផ្អើលទាំងកណ្តាលយប់ ខណៈពេលឃើញនារីខារ៉ាអូខេម្នាក់ដេកស្លាប់ក្បែរកាំជណ្តើរផ្ទះសំណាក់មួយ ហេតុការណ៍នេះកើតឡើងកាលពីវេលាម៉ោង១១យប់ ថ្ងៃទី១៦ ខែតុលា ឆ្នាំ២០១៧ ស្ថិតនៅចំណុចក្បែរកាំជណ្តើរផ្ទះសំណាក់ភ្នំមាស ក្នុងភូមិតាសែង ឃុំសូទិក្យ ស្រុកជើងព្រៃ ខេត្តកំពង់ចាម ។
បើតាមសមត្ថកិច្ចស្រុកជើងព្រៃបានឱ្យដឹងថា នារីរងគ្រោះឈ្មោះ លី វី អាយុ១៩ឆ្នាំ មុខរបរជាស្ត្រីខារ៉ាអូខេនៅសំណាក់ភ្នំមាស មានទីលំនៅក្នុងភូមិព្រែកកុយ ឃុំព្រែកកុយ ស្រុកកងមាស ខេត្តកំពង់ចាម។
សមត្ថកិច្ចបានឱ្យដឹងទៀតថា ក្រោយពីមានការភ្ញាក់ផ្អើល កម្លាំងសមត្ថកិច្ចបានទៅដល់កន្លែងកើតហេតុភ្លាមៗ ក៏ឃើញនារីរងគ្រោះរងរបួសក្បាលដេកក្បែរកាំជណ្តើរផ្ទះសំណាក់នោះ ហើយស្មានថា នារីរងគ្រោះមិនទាន់ស្លាប់ក៏បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុក ប៉ុន្តែជាអកុរសនាងបានស្លាប់បាត់ទៅហើយមុនពេលបញ្ជូនដល់មន្ទីរពេទ្យ ។
លុះរហូតដល់ព្រឹកថ្ងៃទី១៧ តុលានេះ កម្លាំងសមត្ថកិច្ច អាជ្ញាធរឃុំ និងគ្រូពេទ្យជំនាញបានត្រួតពិនិត្យ និងកោសល្យវិច្ច័យសពនារីរងគ្រោះ ដោយសន្និដ្ឋានជំហានដំបូងថា នារីរងគ្រោះមិនត្រឹមតែរបួសត្រង់ក្បាលទេ ថែមទាំងនៅលើក.ដៃមានស្លាកស្នាមអារ.ដៃទៀតផង ដូច្នេះសមត្ថកិច្ចក៏សង្ស័យនារីរងគ្រោះប្រហែលជាញៀនថ្នាំ ទើបនាងអារ.កដៃខ្លួនឯងដូច្នេះ ។ ខណៈពេលនេះសមត្ថកិច្ចកំពុងត្រួតពិនិត្យសពបន្ថែមទៀត ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]