អង់គ្លេស៖ យោងតាមរបាយការណ៍មួយបានឱ្យដឹងថាលោក Jose Mourinho កំពុងមានការខកចិត្តជាខ្លាំងចំពោះក្រុម Manchester United ហើយអាចនឹងចាកចេញពីក្លិបនេះផងដែរ។
ទោះជាដឹកនាំក្រុមដែលមានមូលដ្ឋានក្នុងទីក្រុង Manchester ឲ្យឈ្នះពាន៣ កាលពីរដូវកាលមុន និងមិនទាន់ស្គាល់ពាក្យថាចាញ់នៅរដូវកាលនេះ ស្ថិតក្នុងចំណាត់ថ្នាក់លេខ២ នៃតារាង Premier League ក៏ពិតមែន ក៏គ្រូបង្គោលសញ្ជាតិព័រទុយហ្គាល់ កំពុងតែមិនសូវសប្បាយចិត្ដប៉ុន្មានឡើយ។ មូលហេតុគឺដោយសារតែទំនាក់ទំនងរវាងលោក និងអនុប្រធានប្រតិបត្ដិរបស់ក្លិប លោក Ed Woodward នេះបើតាមការរាយការណ៍របស់សារព័ត៌មាន The Daily Recode។
ប្រភពដដែលបានអះអាងថា លោក Mourinho បានបាត់បង់ជំនឿចិត្ដ ទៅលើការផ្ដល់មូលនិធិ ដែលគ្រប់គ្រងដោយលោក Woodward ជាហេតុអាចឲ្យអតីតគ្រូបង្វឹក Chelsea នេះ បដិសេធមិនបន្ដកុងត្រាថ្មីជាមួយ Man Utd។
យ៉ាងណាមិញ មិនមានការចចារអ្វីនោះឡើយជុំវិញការបន្ដកុងត្រាថ្មីរបស់ Mourinho ខណៈដែលកុងត្រាចាស់របស់លោកនៅ Old Trafford គឺនឹងត្រូវផុតនៅរដូវកាលក្រោយនេះ៕
ប្រភព៖ Metro
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
