របបអាហារប្រចាំថ្ងៃ និងរបៀបរស់នៅដែលមិនល្អបានធ្វើឱ្យសុខភាពជួបផលប៉ះពាល់ជាច្រើន ជាពិសេសគឺជាតិពុលដែលបន្សល់ទុកនៅក្នុងខ្លួន ដែលមិនបានកម្ចាត់ចេញមកតែម្តង។ មានវិធីសាស្រ្តជាច្រើនបានបង្ហាញពីរបៀបបណ្តេញជាតិពុលអាក្រក់ៗទាំងនេះចេញពីក្នុងខ្លួន មិនថាតែការទទួលទានផ្លែឈើ បន្លែ ឬវិធីធ្វើភេសជ្ជៈសម្រាប់ទទួលទានជាដើម។
តែអ្នកប្រហែលជាមិនបានដឹងពីវិធីបណ្តេញជាតិពុលម្យ៉ាងតាមរយៈបាតជើងរបស់ប្រពៃណីប្រទេសជប៉ុនឡើយ ព្រោះវាស្តាប់ទៅមិនសូវទំនង ប៉ុន្តែលទ្ធផលប្រាកដជាធ្វើឱ្យអ្នកភ្ញាក់ផ្អើល ព្រោះតែគុណប្រយោជន៍ដ៏សន្ធឹកសន្ធាប់របស់វា។ តោះ! មកមើលពីវិធីអនុវត្ត និងគុណប្រយោជន៍របស់វាដូចខាងក្រោមទាំងអស់គ្នា ៖
# វិធីធ្វើបន្ទះបាតជើងបណ្តេញជាតិពុល
គ្រឿងផ្សំ
- ខ្ញី ចិញ្ច្រាំ ១ស្លាបព្រា
- ខ្ទឹមបារាំង ចិញ្ច្រាំ ១ស្លាបព្រា
- ទឹកខ្មេះប៉ោម (Apple cider vinegar) ¼ ពែង
(អាចរកទិញបាននៅផ្សារទំនើប)
- បន្ទះស្បៃស្តើងៗជូតរបួស រាង៤ជ្រុង ( ឬអាចយកស្បៃរុំរបួស សុំៗវាកាត់ជារាង ៤ជ្រុងក៏បាន)
(អាចរកបាននៅឱសថស្ថាននានា)
- ស្រោមជើងស្អាត ១គូ
ការអនុវត្ត៖
- យកទឹកខ្មេះប៉ោមទៅដាំឱ្យពុះ សឹមចាក់ខ្ញីចិញ្ច្រាំ និងខ្ទឹមបារាំងចិញ្ច្រាំចូល រួចរំងាស់រយៈពេល ១០នាទី។ បន្ទាប់មកទុកឱ្យវាត្រជាក់រយៈពេល ២០នាទីបន្ថែមទៀត។
- យកបន្ទះស្បៃ ៤ជ្រុង ទៅជ្រលក់ក្នុងគ្រឿងផ្សំដែលទើបតែធ្វើរួចនោះ។ តែកុំឱ្យវាជោគជាំទាំងអស់ ជ្រលក់ត្រឹមតែម្ខាងទៅបានហើយ។
- រួចយកស្បៃនោះមកបិទជាប់នឹងបាតជើងទាំងសងខាង រកយកស្រោមជើងស្អាតមកពាក់ពីលើ ឬយកស្បៃមករុំពីលើក៏បាន ហើយចូលគេងជាការស្រេច។
- ពេលព្រឹកភ្ញាក់ពីដំណេកអ្នកអាចដកស្បៃនោះចេញមកបាន ពេលនោះលើស្បៃដែលដកចេញពីបាតជើង អ្នកនឹងឃើញជាតិពុលខ្មៅៗបានចេញពីរាងកាយរបស់អ្នកហើយ។
- អ្នកគួរតែអនុវត្តវិធីបែបនេះរាល់យប់មុនចូលគេងជាប្រចាំទើបមានប្រសិទ្ធភាពខ្ពស់។
# គុណប្រយោជន៍
- ជំនួយប្រព័ន្ធសសៃប្រសាទឱ្យដំណើរការ និងមានសុខភាពល្អ
- ជួយឱ្យប្រព័ន្ធរំលាយអាហារដំណើរការល្អ
- ជួយលាងសម្អាតតម្រងនោម ថ្លើម និងឈាម
- ជួយបង្កើនថាមពល និងសុខភាពរាងកាយ
- ជួយឱ្យគេងលក់ស្រួលស្កប់ស្កល់
- ជួយដោះស្រាយបញ្ហាផ្លូវអារម្មណ៍ និងផ្លូវចិត្តទាំងឡាយដូចជា ធុញថប់ ស្ត្រេស មួរម៉ៅ និងជំងឺធ្លាក់ទឹកចិត្ត
- ជួយបំបាត់អាការឈឺចាប់តាមរាងកាយ ដូចជាឈឺឆ្អឹងឆ្អែង ឈឺចាប់ត្រង់សាច់ដុំ ឈឺក្បាលប្រកាំង ឈឺចាប់រ៉ាំរ៉ៃ និងជំនួយប្រព័ន្ធ សរីរាង្គរាងកាយទាំងមូល៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]