អតីតគូដណ្ដឹង ធ្វើឲ្យនី មុនីនាថ ធ្ងន់.ក ដល់ថ្នាក់ប្តឹងទារសំណងទៅដល់.....

ភ្នំពេញ៖ ក្រោយធ្លាយរឿងតារាសម្តែងស្រីកញ្ញា នី មុនីនាថ បោកប្រាស់យកលុយមួយចំនួនធំ និងទាមទារផ្តាច់ពាក្យភ្លាមៗពីគូដណ្តឹង ពេលនេះ អ៊ឹង សូឡាង ជាអតីតគូដណ្តឹងបានដាក់ពាក្យប្តឹង កញ្ញា មែនទែនហើយ។

មុននេះបន្តិចសេចក្ដីប្រកាសរបស់ ដើមបណ្ដឹងឈ្មោះ អ៊ឹង សូឡាង ត្រូវបាន គេចែកចាយ ពេញបណ្ដាញសង្គម ដោយក្នុងអត្ថន័យបានចោទប្ដឹងទារសំណង រហូតដល់ ទៅ ១២ម៉ឺនដុល្លារ ពីតារាសម្ដែងស្រី ដែលល្បីដើរតួអង្គកម្សត់ នី មុនីនាថ ។

ក្នុងនោះដែរលោក អ៊ឹង សូឡាង ដែលជាម្ចាស់បណ្ដឹង ក៏បានរៀបរាប់យ៉ាងលម្អិតនៅក្នុងសេចក្ដីបណ្ដឹង ពីដើមហេតុទាំងស្រុងនៃការប្រះឆា រហូតដល់ថ្នាក់ប្ដឹងផ្ដល់គ្នា បែបនេះទៀតផង។ 

គួរបញ្ជាក់ដែរថា លោក អ៊ឹង សូឡាង បានសម្រេចចិត្តភ្ជាប់ពាក្យ និងកញ្ញា នី មុនីនាថ នៅអំឡុងឆ្នាំ២០១៤ និងត្រូវបានផ្ដាច់ពាក្យវិញនៅដើមឆ្នាំ២០១៧នេះ។

យ៉ាងណាមិញភាគីពាក់ព័ន្ធ ពោលនោះគឺតារាសម្ដែង មុនីនាថ នៅមិនទាន់មានប្រតិកម្មចំពោះដំណឹងនេះនៅឡើយនោះទេ៕ 

• នី មុនីនាថ