អីគេ? នៅថៃល្បីចាក់សារធាតុខ្លាញ់ចូលតំបន់ពិសេស ដើម្បីឲ្យក្រពុំស្អាត ដូចយុវវ័យ?

ថៃ៖  ក្រៅពីការកែប្រែទម្រង់មុខ ច្រមុះ និងដើមទ្រូងហើយនោះ នៅពេលថ្មីៗនេះ ការកែសម្ផស្សបែបថ្មីមួយទៀត កំពុងទទួលបានការចាប់អារម្មណ៍ខ្លាំងពីសំណាក់អ្នកលេងបណ្តាញសង្គមក្នុងប្រទេសថៃ នោះគឺ “3D Vag”។ 

“3D Vag” គឺជាសេវាកម្មមួយ ដែលមិត្តនារីគ្រប់រូប អាចចាក់សារធាតុខ្លាញ់ដែលបូមចេញពីដងខ្លួន​ ចូលទៅក្នុងតំបន់ពិសេស ដើម្បីឲ្យវាមានរូបរាងក្រពុំ មើលទៅដូចជាយុវវ័យយ៉ាងអ៊ីចឹង។

ការកែសម្ផស្សបែបថ្មីនេះ បានទាក់ទាញការចាប់អារម្មណ៍ខ្លាំង បន្ទាប់ពីបុគ្គលិកមន្ទីរពេទ្យម្នាក់បានធ្វើការបង្ហោះរូបភាព មុន និងក្រោយការប្រើប្រាស់សេវាកម្ម “3D Vag” ដោយមានភ្ជាប់ជាមួយរូបភាពរបស់អ្នកជំងឺកំពុងដេកនៅលើគ្រែពេទ្យផងនោះ។

បើគិតមកត្រឹមថ្ងៃនេះ រូបភាពដែលបានបង្ហោះនោះ ត្រូវបានគេចែករំលែក រហូតដល់ទៅជាង ១៣ ០០០ដងឯណោះ។

ស្របពេលដែលអ្នកលេងបណ្តាញសង្គមជាច្រើន កំពុងភ្ញាក់ផ្អើលចំពោះសេវាកម្មនេះ នារីៗមួយចំនួនក៏បានចាប់អារម្មណ៍ និងសួរនាំព័ត៌មានបន្ថែម តាមរយៈទំព័រហ្វេសប៊ុកផងដែរ។

គ្រូពេទ្យវះកាត់ម្នាក់បានឲ្យដឹងថា ដំណើរការនៃការកែសម្ផស្ស គឺចាប់ផ្តើមដំបូងពីការបូមសារធាតុខ្លាញ់ដែលលើស ចេញពីរាងកាយរបស់អ្នកជំងឺ ដូចជានៅតំបន់ ត្រគៀក ឬសាច់ដុំជាដើម។ បន្ទាប់មកទៀត គេយកសារធាតុខ្លាញ់ទាំងនោះ ចាក់ចូលទៅក្នុងថ្ងាសនៃតំបន់ពិសេសតែម្តង។

គួរបញ្ជាក់ថា សេវាកម្មនេះ មានតម្លៃ ៥ម៉ឺនបាត (ប្រហែល១ ៥០០ដុល្លារ)។

ទោះជាយ៉ាងណា គេមិនដឹងថាសេវាកម្មនេះមានសុវត្ថិភាព ឬអត់ទេ៕