ភ្នំពេញ៖ កាលពីមួយរយៈមុននេះ តារាកំប្លែងពូកែសម្តី នាង ខ្ញុង និងតារាកំប្លែងរួមក្រុម នាយ កៃដ ត្រូវបានទម្លាយថា អ្នកទាំងពីរកំពុងតែទំនាក់ទំនងស្នេហ៍ស្អិតរមួតជាមួយគ្នា រហូតឈានដល់ មានការដឹងឮពីចាស់ទុំទាំងសងខាង ថែមទាំង បានបោះទុនរកស៊ីជាមួយគ្នា ទៅលើមុខរបរទទួលធ្វើម្ហូបការ កាត់សក់ និងជួលភ្លេងខ្មែរ-ភ្លេងសម័យ ថែមទៀតផង។
ទាក់ទងនឹងរឿងនេះផងដែរ អ្នកមេម៉ាយកូន១ នាង ខ្ញុង ធ្លាប់បានធ្វើការច្រាលចោលម្តងទៅហើយ ចំពោះដំណឹងលេចឮមួយនេះ។ ប៉ុន្តែមិនថាយ៉ាងណា ក្រដាសមិនអាចខ្ចប់ភ្លើងជិតបានឡើយ ដោយតាមរយៈសកម្មភាព និងទង្វើយកចិត្តទុកដាក់មើលថែគ្នា លើសពីមិត្តរួមការងារ ដែលជាពិសេសនោះ គេតែងគេសង្កេតឃើញថា អ្នកទាំងពីរតែងតែទៅណាមកណាជាមួយគ្នារហូត សូម្បីតែពេលទៅធ្វើការ ឬក៏ទៅវត្តធ្វើបុណ្យ ក៏មាននាយ កៃដ ទៅតាមជាមួយយ៉ាងស្អិត ដូចជាគូស្នេហ៍ល្អូកល្អឺននឹងគ្នាដូច្នោះដែរ។
ដោយឡែក ថ្មីៗនេះ នាយ ខ្ញុង ក៏ស្រាប់តែធ្វើឲ្យអ្នកគាំទ្រភ្ញាក់ផ្ញើលជាថ្មីម្តងទៀត ដោយនាងបានបានបង្ហោះរូបថត ស្និតស្នាល ជាមួយនឹងនាយ កៃដ ប៉ុន្មានសន្លឹក នៅលើគណនីហ្វេសប៊ុករបស់នាង ដែលវារឹតតែបញ្ជាក់កាន់តែច្បាស់ពី ទំនាក់ទំនងស៊ីជម្រៅរបស់ គូស្នេហ៍មួយគូនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]