(ភ្នំពេញ)៖ តារាសម្ដែងស្រីកំពុងទទួលបានប្រជាប្រិយភាព ពីទស្សនិកជន កញ្ញា ស៊ីន យូប៊ីន មួយរយៈនេះ គេសង្កេតឃើញថា កំពុងឡើងកូដខ្លាំងនៅក្នុងវិស័យសិល្បៈ នាងក្ដោបក្ដាប់បានតំណែងជាតួឯក នៅក្នុងខ្សែភាពយន្តខ្មែរ និងថតឈុតសម្លៀកបំពាក់ប្រពៃណី ឲ្យសម្អាងការផងដែរ។ ដោយឡែក ថ្មីៗនេះ នាងបានបង្ហោះរូបភាពចំនួន៣សន្លឹក នៅក្នុងប្រព័ន្ធហ្វេសប៊ុក ប៉ុន្តែការបង្ហាញខ្លួនលើកនេះ ពិតជាមានភាពខុសប្លែកពីការបង្ហាញខ្លួនលើកមុន ដោយសារតែនាងបានស្លៀកឈុតឯកសណ្ឋាន ជាមន្រ្តីប៉ូលិស ដែលមានភាពខុសប្លែក ពីពេលដែលនាងគ្រងឈុតកូនក្រមុំ។
ជាមួយនឹងឯកសណ្ឋានជាសមត្ថកិច្ចប៉ូលិស កញ្ញា ស៊ីន យូប៊ីន ហាក់បីដូចជាក្លាយជានារីផ្សេង ខុសពីពេលដែលនាងគ្រងឈុតកូនក្រមុំ ដោយសារតែឯកសណ្ឋានប៉ូលីស បានបញ្ជាក់ពីភាពអង់អាច ក្លាហាន និងការការពារជាតិមាតុភូមិ ហើយនៅក្នុងនោះ ស៊ីន យូបីន កំពុងតែថតខ្សែភាពយន្តមួយ ដែលផលិតករតម្រូវឲ្យតួឯកស្រី ស្លៀកឯកសណ្ឋានបែបនេះ។
គួររបញ្ជាក់ថា តារាសម្ដែង ស៊ីន យូប៊ីន សព្វថ្ងៃនេះ កំពុងតែមានការមមាញឹកខ្លាំង ជាពិសេសកាន់កាប់បានថតស្ប៉ត ពាណិជកម្មឲ្យក្រុមហ៊ុនធំៗជាច្រើន បើទោះបីជាមានការមមាញឹកយ៉ាងណា នាងនៅតែអាចថែរក្សាសម្រស់ ឲ្យនៅស្អាតដដែល ហើយមានមហាជន សរសើរមិនដាច់ពីមាត់ថា ស៊ីន យូប៊ីន នៅតែស្រស់ស្អាត ទោះជាមិនផាត់មុខ លាបម្សៅ ក៏នៅតែស្អាត សម្រស់ក្មេងជាងវ័យ មិនប្រែប្រួលឡើយ៕
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
