កំពង់ចាម៖ តាមរយ:កម្មវិធី GATSBY Success Together ហ្គេតប៊ីបាននាំតារាចម្រៀង នីកូ ទៅជួបផ្ទាល់ជាមួយសិស្សនិស្សិត ក៏ដូចជាអ្នកគាំទ្រ នៅសាកលវិទ្យាល័យ វេស្ទើន ខេត្តកំពង់ចាម។
២ថ្ងៃមុនការប្រគំតន្រ្តី នីកូបានធ្វើឲ្យកុមារកំព្រានៅខេត្តកំពង់មានមានក្តីរំភើប និងភ្ញាក់ផ្អើលជាខ្លាំង ដោយពួកគេបានទទួលអំណោយ ក៏ដូចជាការអាហារដែល នីកូ និង ហ្គេតប៊ី បានរៀបចំជាពិសេសសម្រាប់ពួកគេ។ ដោយឡែកនៅថ្ងៃទី១នៃព្រឹត្តិការណ៍នេះ ហ្គេតប៊ីបានបើកវគ្គបណ្តុះបណ្តាលឥតគិតថ្លៃស្តីពី Merchandising ដែលមានអត្ថប្រយោជន៍យ៉ាងខ្លាំងសម្រាប់សិស្សនិស្សិត ជាទុនមួយសម្រាប់ពួកគេនៅពេលអនាគត ។ ដើម្បីឲ្យសិស្សនិស្សិតបានអនុវត្តដោយផ្ទាល់ ក្រុមហ៊ុនក៏បានរៀបចំការប្រកួតរៀបផលិតផលលើធ្នើតាមទីផ្សារនានា រួមជាមួយប្រាក់រង្វាន់ ជាច្រើនថែមទៀតផង។
កម្មវិធីដែលធ្វើឲ្យសិស្សនិស្សិតមានការចាប់អារម្មណ៍ កាន់តែខ្លាំងនោះគឺ វេទិការនិស្សិតចែករំលែកបទពិសោធន៍ ដោយហ្គេតប៊ីបានអញ្ជើញ វាគ្មិនល្បីៗ ដើម្បីចូលរួមចែករំលែកគន្លឹះនៃភាពជោគជ័យ ការរៀបចំផែនការសម្រាប់ជីវិត និង ជួយប្រឹក្សាពីបញ្ហាមួយចំនួនរបស់សិស្សនិស្សិតថែមទៀតផង។ សិស្សនិស្សិតដែលចូលរួមបានថ្លែងថា ក្នុងរយ:ពេល៣ថ្ងៃនេះ ហ្គេតប៊ីបានធ្វើឲ្យសិស្សនិស្សិតទាំងអស់ជួបជុំគ្នា បង្កបរិយាកាសសប្បាយរីករាយ ជាពិសេសកម្មវិធីរបស់ហ្គេតប៊ី មិនត្រឹមតែផ្តល់នូវភាពសប្បាយរីករាយប៉ុណ្ណោះទេ ថែមទាំងនាំមកនូវការចែករំលែក បទពិសោធន៍ និងចំណេះដឹងជាច្រើនដល់សិស្សនិស្សិតថែមទៀតផង។ សម្រាប់សិស្សនិស្សិត ទាំងអស់ គឺតែងតែបានចូលរួមកម្មវិធីដ៏មានសារ:សំខាន់នេះជារៀងរាល់ឆ្នាំ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]