សាលារៀន អន្តរទ្វីប អាមេរិកាំង ហៅកាត់ថា (AIS) ជាសាលារៀនចំណេះទូទៅមួយទទួលស្គាល់ដោយក្រសួងអប់រំ យុវជន និងកីឡា ដែលមានកម្មវិធីសិក្សាចាប់ពីថ្នាក់ក្រោមមត្ដេយ្យ រហូតដល់ថ្នាក់ទី១២ តាមបែបខែ្មរ-អាមេរិកាំង ដំបូងគេបង្អស់នៅក្នុងព្រះរាជាណាចក្រកម្ពុជា។
សាលារៀនដ៏មានប្រជាប្រិយនេះ ត្រូវបានគេមើលឃើញថា កំពុងរួមចំណែកយ៉ាងផុសផុលក្នុងការផ្ដល់ចំណេះដឹង ចំណេះធ្វើ និងបំណិនជីវិតយ៉ាងសម្បូរបែប ដល់សិស្សានុសិស្សខ្លួនប្រកបដោយគុណភាព ប្រសិទ្ធភាព និងគុណធម៌ដ៏ប្រសើរ ដើម្បីកសាងសង្គមកម្ពុជាឱ្យក្លាយជាសង្គមមួយដ៏រីកចម្រើន។ អ្វីដែលធ្វើឱ្យសាលារៀនឯកជនកូនកាត់មួយនេះឈានមុខគេលើទឹកដីនៃព្រះរាជាណាចក្រកម្ពុជានោះ គឺដោយសារតែសាលានេះផ្ដោតសំខាន់ទៅលើ គុណភាព វិន័យ និងសេវាកម្មជាចម្បង។
គួរជម្រាបជូនថា សាលារៀន អន្តរទ្វីប អាមេរិកាំង នឹងចាប់ផ្ដើមទទួលចុះឈ្មោះសិស្សចូលរៀនគ្រប់កម្រិតសិក្សាពីថ្ងៃផ្សាយដំណឹងនេះតទៅ ហើយចំពោះបវេសនកាលថ្មី គឺនឹងប្រព្រឹត្តទៅនៅថ្ងៃទី១៧ ខែតុលា ឆ្នាំ២០១៧ ខាងមុខនេះ។ កាលពីខែកក្កដាកន្លងទៅ សាលារៀន អន្តរទ្វីប អាមេរិកាំង ទាំង៣សាខា ទទួលបានបណ្ណសរសើរចំនួន៥បណ្ណ ពីមន្ទីរអប់រំ យុវជន និងកីឡារាជធានីភ្នំពេញ លើផ្នែកស្នាដៃល្អប្រសើរក្នុងការគ្រប់គ្រង រដ្ឋបាល បរិស្ថាន និងបច្ចេកទេសបង្រៀន-រៀនសម្រាប់ឆ្នាំសិក្សា២០១៦-២០១៧។
លើសពីនេះទៀតសិស្សថ្នាក់ទី៩ ពីររូបបានប្រឡងជាប់ជាសិស្សពូកែទូទាំងប្រទេស លើមុខវិជ្ជារូបវិទ្យា ចំណាត់ថ្នាក់លេខ៥ និងមុខវិជ្ជាគណិតវិទ្យា ចំណាត់ថ្នាក់លេខ៧។ មួយវិញទៀត ក្នុងឆ្នាំសិក្សា២០១៦-២០១៧ដដែលនេះ សិស្សថ្នាក់ទី១០ ពីររូបទទួលបានចំណាត់ថ្នាក់លេខ១ និងលេខ៣ ក្នុងការប្រកួតប្រជែងដោះស្រាយលំហាត់គណិតវិទ្យា ដោយប្រើបច្ចេកវិទ្យា Scientific Calculator ដែលរៀបចំឡើងដោយសមាគមន៍អ្នកគណិតវិទ្យាកម្ពុជា និង CASIO។
អ្វីកាន់តែពិសេសទៅទៀតនោះ កាលពីពេលកន្លងទៅថ្មីៗនេះ សិស្សថ្នាក់ទី១២ នៃសាលារៀន អន្តរទ្វីប អាមេរិកាំង ចំនួន១៦នាក់ ទទួលបាននិទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ។
សូមបញ្ជាក់ជូនថា ក្រៅតែពីសមិទ្ធផលខាងលើ សាលារៀន អន្តរទ្វីប អាមេរិកាំង ក៏មានសមិទ្ធផលជាច្រើនទៀតផងដែរ ដូចជានៅថ្ងៃទី៨ ខែមេសា ឆ្នាំ២០១៧ សិស្ស៩រូបទទួលបានមេដាយមាស២ មេដាយប្រាក់៣ និងមេដាយ សំរឹទ្ធ៤ ក្នុងកម្មវិធីប្រកួតប្រជែងគណិតវិទ្យាអូឡាំពិករបស់ប្រទេសសិង្ហបុរី និងសាលាផ្សេងៗក្នុងតំបន់អាស៊ាន ឆ្នាំ២០១៧ (Singapore and Asian School Math Olympiad-SASMO 2017)។ ដោយឡែក ចំពោះថ្នាក់តំបន់វិញ សិស្សថ្នាក់ទី១១ ពីររូបទទួលបានជ័យលាភីលេខ១ ក្នុងកម្មវិធីប្រកួតប្រជែងសរសេរគម្រោងអាជីវកម្មពិភពលោកសម្រាប់យុវវ័យ (សិស្សវិទ្យាល័យ) ឆ្នាំ២០១៧ (Global Youth Entrepreneurship Challenge 2017)។ បន្ទាប់មកសិស្សថ្នាក់ទី១២ មួយរូប ក៏ត្រូវបាន Singapore Technologies Endowment Program (STEP) ជ្រើសរើសតំណាងសិស្សានុសិស្សនៃព្រះរាជាណាចក្រកម្ពុជា ឱ្យចូលរួមកម្មវិធី STEP-NUS Sunburst Brain Camp (SBC) 2017 នៅប្រទេសសិង្ហបុរី ផងដែរ។ ក្រោយមកទៀតសិស្សថ្នាក់ទី១០ ចំនួន៨រូប ត្រូវបាន Behring Global Educational Foundation ជ្រើសរើសឱ្យចូលរួមក្នុងកម្មវិធី Global Natural History Day 2017 (GNHD), Finals នៅទីក្រុង Chongqing នៃសាធារណរដ្ឋប្រជាមានិតចិនទទួលបានមេដាយមាស ប្រាក់ និងសំរឹទ្ធ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]