ភ្នំពេញ៖ អ្នកគាំទ្រភាគច្រើនច្បាស់ជា បានដឹងយ៉ាងច្បាស់ហើយថា បច្ចុប្បន្ននេះតារាសម្តែងរាងខ្ពស់សង្ហាលោក ឆឹម សក្កដា កំពុងតែមានប្រជាប្រិយភាពខ្លាំងនៅក្នុងវិស័យសិល្បៈ ជាពិសេសលោកក៏កំពុងតែបានសិក្សាមើលចិត្តគ្នា ជាគូស្នេហ៍របស់កំពូលតារាចម្រៀងអ្នកនាង ពេជ្រ សោភា ផងដែរ។
តារាសម្តែងជំនាន់ថ្មីរូបនេះ ទើបតែចាប់អាជីពជាអ្នកសិល្បៈថ្មីៗប៉ុណ្ណោះ ប៉ុន្តែបើនិយាយពីរឿងប្រជាប្រិយភាពរបស់លោកវិញ គឺមានការកើនឡើងជាលំដាប់ និងមានភាពមមាញឹកនៅក្នុងការងារជាច្រើន។
ទន្ទឹមនឹងនេះលោក ឆឹម សក្កដា ឥឡូវក៏បានប្រែក្លាយទៅជាអ្នកចម្រៀងមួយរូបផងដែរ ព្រមទាំងមានការគាំទ្រទៀតផងជាមួយនឹងបទចម្រៀងដែលលោកធ្លាប់បានបកស្រាយកាលពីពេលកន្លងមក។
ជាក់ស្តែងកាលពីរាត្រីថ្ងៃទី២៧កញ្ញា លោក សក្កដា ព្រមទាំងតារាចម្រៀង តារាសម្តែងជាច្រើនរូបទៀត បានចូលរួមនៅក្នុងកម្មវិធីមួយ ដើម្បីជួយទៅដល់មន្ទីរពេទ្យគន្ធបុប្ផា ដោយមានការគាំទ្រយ៉ាងខ្លាំងពីសំណាក់អ្នកដែលបានចូលរួមនៅក្នុងកម្មវិធីនេះ។
ជូនពរលោក សក្កដា មានភាពល្បីល្បាញនៅក្នុងសង្គមសិល្បៈ និងមានភាពជោគជ័យនៅក្នុងអាជីពជាអ្នកចម្រៀងនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]