ភ្នំពេញ៖ តារាចម្រៀងប្រុស ដែលពូកែរ៉េប ព្រមទាំងនិយមលេងស្ទីលដូចបរទេស លោក ងួង ចាន់ដេវីត កំពុងតែបានបង្កើតចម្ងល់ដល់អ្នកគាំទ្រខ្លួន តាមរយៈរូបភាពមួយសន្លឹកដែលរូបលោក បានបង្ហោះក្នុងបណ្ដាញសង្គម។
មួយសន្លឹកដែលខ្លួនបានថតរួមគ្នា និងកញ្ញា ឱក សុគន្ធកញ្ញា ដែលជាកំពូលតារាចម្រៀងស្រីល្បីប្រចាំប្រទេសនោះ បានធ្វើឲ្យគ្រប់គ្នា សង្ស័យថា អ្នកទាំងពីរអាចនឹងចាប់ដៃគូច្រៀងជាមួយគ្នាក្នុងបទថ្មីក្រោយៗក៏ថាបាន ពីព្រោះគេកម្រឃើញម្ចាស់បទ «ញីកែងជើង» រូបនេះ ថតរូបជាមួយតារាចម្រៀងស្រីដ៏ទៃផ្សេងទៀតណាស់ លើកលែងតែជាដៃគូចម្រៀងរបស់ខ្លួន តែប៉ុណ្ណោះ។
យ៉ាងណាមិញលោក ដេវីត និងសុគន្ធកញ្ញា នៅមិនទាន់បានបង្ហើបច្បាស់ពាក់ព័ន្ធនឹងចម្ងល់របស់អ្នកគាំទ្រមួយនេះនៅឡើយទេ ហើយយើងនឹងរង់ចាំតាមដានទាំងអស់គ្នាថា តើអ្នកទាំងពីរអាចក្លាយជាដៃគូចម្រៀងថ្មីឬយ៉ាងណាបន្តទៀត។
គួរបញ្ជាក់ផងដែរថា តាំងពីចូលច្រៀងក្នុងផលិតកម្មហង្សមាសលោក ដេវីត ធ្លាប់បានចាប់ដៃគូជាមួយតារាចម្រៀងស្រីល្បីៗចំនួន២រូប រួចមកហើយ ក្នុងនោះមាន ពេជ្រ សោភា និងទេព បូព្រឹក្ស ហើយអ្នកគាំទ្រក៏សង្ឃឹមថាអ្នកបន្ទាប់គឺ ឱក សុគន្ធកញ្ញា ផងដែរ៕
ចុះប្រិយមិត្តដ៏ទៃទៀត គិតយ៉ាងណាដែរ? បើតារាទាំងពីរច្រៀងរួមគ្នា!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]