រាជធានីភ្នំពេញ ៖ កាលពីពេល ថ្មីៗកន្លងមកលេចឮដំណឹងថា នាងខ្ញុងភ្ជាប់ចំណងស្នេហ៍ជាមួយនាយកៃដ ជាតារាកំប្លែងរួមក្រុមនៅទូរទស្សន៍ស៊ីធីអិន ។ រូបភាពស្និទ្ធស្នាលគ្នារបស់អ្នកទាំង២បានបង្ហាញតាមហ្វេសប៊ុករឹតតែធ្វើឱ្យមហាជនចាប់អារម្មណ៍ខ្លាំងឡើង ។
ប្រភពព័ត៌មានឱ្យដឹងថា កាលពីពេល ថ្មីៗកន្លងមកថា រវាងបុរសពោះម៉ាយកូន១ និងនារីមេម៉ាយកូន១ ជាតារាកំប្លែងរួមក្រុមនេះមិនត្រឹមតែស្រឡាញ់គ្នាទេ ថែមទាំងបោះទុនរកស៊ីជាមួយគ្នាទៀតផង ។ បច្ចុប្បន្នពួកគេប្រកបរបរទទួលធ្វើម្ហូបការ កាត់សក់ និងជួលភ្លេងខ្មែរ-ភ្លេងសម័យ ។
ចំពោះស្នេហារបស់ពួកគេ ចាស់ទុំទាំងសងខាងបានដឹងឮ ហើយពេលរដូវបុណ្យទានម្ដងៗ នាយកៃដ តែងតែយករបស់របរ លុយកាក់ជូនឪពុកម្ដាយ នាងខ្ញុង ជាក់ស្តែងបង្ហាញក្នុងរដូវបុណ្យភ្ជុំបិណ្ឌកន្លងទៅ ថ្មីៗនេះតែម្តង ។
ជុំវិញរឿងនេះនាយកៃដ មិនអាចសុំការបកស្រាយបានទេ ចំណែកនាងខ្ញុង វិញប្រកែក ដោយលើកឡើងថា តាំងពីដើមទីរហូតមកដល់បច្ចុប្បន្នពួកនាងគឺត្រឹមតែជាមិត្តរួមអាជីពប៉ុណ្ណោះ មិនឈានដល់ស្នេហាដូចការលើកឡើងទេ ។ ខ្ញុងនិយាយថា «ឲ្យតែខ្ញុំថតជាមួយគ្នាដឹងតែថាមានស្នេហ៍ជាមួយគ្នា កាលជាមួយពែកមីឡើងវិលមុខរឿងហ្នឹង ហើយឥឡូវដល់នាយកៃដទៀត អត់មានទេ !» ។
កន្លងមកខ្ញុងល្បីមានអ្នកតាមស្រឡាញ់ច្រើនរហូតដល់អ្នកក្រៅស្រុកក៏មានដែរ ។ ទោះជាយ៉ាងណាក្តីនាងបញ្ជាក់ថា នាងអាចយកគូថ្មីបានទាល់តែកូនប្រុសរបស់នាងពេញចិត្ត ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]