មណ្ឌលគីរី៖ សម្រស់ធម្មជាតិដ៏ស្រស់ត្រកាល គួរឲ្យចង់គយគន់ នៅខេត្តមណ្ឌលគីរី ដែលសម្បូរទៅដោយភ្នំព័ទ្ធជុំវិញ និងមានអាកាសធាតុត្រជាក់អំណោយផល ទាក់ទងចិត្តភ្ញៀវឲ្យទៅលំហែកាយ ស្រូបយកខ្យល់បរិសុទ្ធធម្មជាតិ បង្កើនភាពស្រស់ស្រាយ និងបំបាត់អស់នូវភាពហត់នឿយទាំងឡាយ ជាមួយនឹងតំបន់ទេសចរណ៍ធម្មជាតិមួយនេះ។
ជាក់ស្តែង កាលពីថ្មីៗនេះផងដែរ ឆ្លៀតពេលសម្រាកពីការងារ កំពូលតារាចម្រៀង កញ្ញា ឱក សុគន្ធកញ្ញា ជាមួយនឹងពិធីការិនីល្បីឈ្មោះប្រចាំទូរទស្សន៍ ហង្សមាស អ្នកនាង ចាន់ កែវនិមល ក៏បាននាំក្រុមគ្រួសាររបស់ពួកគេទាំងពីរនាក់ ទៅដើរកម្សាន្តលំហែកាយជុំគ្នា នៅឯខេត្តមណ្ឌលគីរីនេះផងដែរ។
តាមរយៈរូបថតជាច្រើនសន្លឹក ដែលពួកគេបានបង្ហោះ ក៏បានឲ្យឃើញពីទេសភាព ព្រៃភ្នំយ៉ាងស្រស់ស្អាត ហើយអ្វីដែលជាពិសេសទៀតនោះ គឺនារីទីក្រុងទាំងប៉ុន្មានដួងនេះ ក៏បានបង្អួតសម្រស់ជាមួយនឹងធម្មជាតិ យ៉ាងគួរឲ្យទាក់ទាញមិនណយនោះដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
