អង់គ្លេស៖ ក្លឹបកាំភ្លើងធំ Arsenal គឺជាក្រុមមួយដែលតែងតែបានកៅអីសម្រាប់ព្រឹត្តការណ៍ Champion League ក្នុងរយៈពេល ១៩ឆ្នាំចុងក្រោយនេះ យ៉ាងណាមិញ កាលពីរដូវកាលមុន Arsenal បានបញ្ចប់ក្នុងចំណាត់ថ្នាក់លេខ ៥ដែលធ្វើឲ្យក្រុមនេះអាក់ខានមិនអាចចូលរួមក្នុងព្រឹត្តការណ៍នេះ ហើយអាចលេងត្រឹមតែក្នុង Europa League ប៉ុណ្ណោះ។
មុនពេលត្រៀមខ្លួនប្រកួតជាមួយក្លឹប BATE Borisov នៅក្នុងក្របខណ្ឌ Europa League លោក Arsene Wenger បានអះអាងថា ក្របខណ្ឌ Champions League មិនសូវជាជក់អារម្មណ៍ដូចមុនឡើយ។
គ្រូបង្វឹកវ័យ ៦៧ឆ្នាំរូបនេះបាននិយាយថា ការប្រកួតក្នុង Champions League មិនសូវជាមានភាពទាក់ទាញនោះទេ ដូច្នេះហើយទស្សនិកជនប្រហែលជាមើលត្រឹមតែមួយឬពីរប្រកួតប៉ុណ្ណោះ។ លើសពីនេះទៅទៀត ការប្រកួតក្នុងវគ្គជម្រុះតាមពូលនៃក្របខណ្ឌ Champions League វាហាក់បីដូចជាដដែលៗពេក។
កាលពីខែមុន លោក Wenger ក៏បានបង្ហើបដែរថា ការប្រកួតក្នុងក្របខណ្ឌ Premier League មានភាពជក់អារម្មណ៍ជាងការប្រកួតក្នុងក្របខណ្ឌ Champions League ទៅទៀត។
យ៉ាងណាមិញ គាត់ក៏បង្ហាញអារម្មណ៍សោកស្តាយនៃការបាត់បង់ឪកាសដើម្បីធ្វើតេស្តខ្លួនជាមួយនឹងក្រុមធំៗដទៃទៀតក្នុងទ្វីបអឺរ៉ុបផងដែរ។ លោក Wenger បានប្រាប់ថា ទោះបីជាយ៉ាងណាក៏ដោយក៏គាត់មានមោទនភាពណាស់ព្រោះគាត់ធ្លាប់ធ្វើការប្រកួតជាង ២០០ប្រកួតនៅក្នុងក្របខណ្ឌ Champions League ផងដែរ៕
ប្រភព៖ The Sun
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
