ភ្នំពេញ៖ តារាសម្ដែង និងជាពិធីការនី អ្នកនាង សុខ សោម៉ាវត្តី បានសាងស្នាដៃក្នុងវិស័យសិល្បៈមិនតិចនោះទេ ។ បើទោះខ្លួនជាតារាស្រី ដែលមានកូនស្រីមួយហើយក្ដី ក៏ប្រជាប្រិយភាពរបស់វត្តី ហាក់គ្មានការអន់ថយគួរឲ្យព្រួយបារម្ភឡើយ ផ្ទុយទៅវិញកាន់តែមានការគាំទ្រលើសដើម ព្រោះតែសម្រស់របស់តារាស្រីនេះ នៅតែមានភាពស្រស់ស្អាត ចំពោះទេពកោសល្យក្នុងការសម្ដែងរបស់នាងក៏នៅតែល្អ ទើបធ្វើឲ្យទីផ្សារការងារ នៅរឹងមាំបែបនេះ។
ងាកមកចាប់អារម្មណ៍នឹងជីវិតឯកជនរបស់ តារាស្រីរូបស្រស់នេះវិញ ក៏ត្រូវបានមហាជន តាមសង្កេតគ្មានចន្លោះ ពិសេសជីវិតស្នេហាតែម្ដង ព្រោះបន្ទាប់ពីចាប់ដៃគូសម្ដែងជាមួយកម្លោះសង្ហា លី វ៉ាហេទ អ្នកទាំងពីរហាក់មានការសិ្នទ្ធស្នាលប្លែក ទើបធ្វើឲ្យអ្នកគាំទ្រកាន់តែសង្ស័យចំពោះទំនាក់ទំនងមួយនេះ។
មិនតែប៉ុណ្ណោះ ថ្មីៗនេះ អ្នកនាង សុខ សោម៉ាវត្តី បានបញ្ចេញរូបថតសម្អាងការ ដែលតួប្រុស លែងជាតារា តែបែរជា លោក លី វ៉ាហេទទៅវិញ។
ក្នុងនោះដែរ ក៏មានអ្នកគាំទ្រជាច្រើន មានការពេញចិត្ត ដែលឃើញអ្នកទាំងពីរ បានថតរូបគូបែបនេះ ហើយក៏ចង់ឲ្យ ពួកគេ មានថ្ងៃពិសេសជាមួយគ្នាផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]