បរទេស៖ ខែ្សបម្រើរបស់ក្រុមជម្រើសជាតិអាល្លឺម៉ង់ កីឡាករ Mesut Ozil ត្រូវបានគេរាយការណ៍ឲ្យដឹងថា រូបគេបានសម្រេចបដិសេធមិនបន្ដកុងត្រាជាមួយក្រុមកាំភ្លើងធំ Arsenal ដោយចង់ចូលរួមជាមួយក្រុមគូប្រជែង បិសាចក្រហម Manchester United ក្រោមការដឹកនាំរបស់លោក Jose Mourinho។
សេចក្ដីរាយការណ៍មួយបានបែកធ្លាយចេញពីប្រទេសអាល្លឺម៉ង់ ជុំវិញការពិភាក្សាទៅលើកុងត្រាថ្មីរបស់ Ozil ក្នុងក្រុម Arsenal តែយ៉ាងណាអ្នកចាត់ការលោក Arsene Wenger បានដឹងយ៉ាងច្បាស់ថា កីឡាករ និងក្លិបនឹងបើកកិច្ចចរចាបន្ដទៀតជុំវិញបញ្ហានេះ។
យ៉ាងណាមិញសារព័ត៌មាន The Mirror បានអះអាងថា សមាជិករបស់ក្រុមឥន្រ្ទីដែកអាល្លឺម៉ង់ បានសម្រេចចិត្ដយ៉ាងច្បាស់ហើយថា រូបគេនឹងមិនបន្ដកុងត្រានៅកីឡដ្ឋាន Emirate ទេ ដោយចង់នៅរហូតទាល់តែផុតកុងត្រារបស់គេដែលនៅសល់ត្រឹមរយៈពេល១០ខែ តែម្ដង។
សេចក្ដីរាយការណ៍បានឲ្យដឹងទៀតថា Ozil មានចិត្ដចង់ទៅចូលរួមសាជាថ្មីជាមួយនឹងអតីតគ្រូបង្វឹករបស់ Real Madrid លោក Jose Mourinho ក្នុងក្រុមបិសាចក្រហម Manchester United។
តើប្រិយមិត្ដគិតថា Ozil នឹងអាចចូលលេងឲ្យ Man Utd ដែរទេ?
ប្រភព៖ Express
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
