បារាំង៖ កីឡាករដែលមានតម្លៃថៃ្លជាងគេបង្អស់លើលោក Neymar បានធើ្វការសុំអភ័យទោសដល់មិត្ដរួមក្រុម Paris Saint-Germain កីឡាករ Edinson Cavani ក្រោយប៉ះទង្គិចដណ្ដើមគ្នាទាត់ Free-Kick និងប៉េណាល់ទីកាលពីសប្ដាហ៍មុន ក្នុងការប្រកួតដែល PSG យកឈ្នះម្ចាស់ផ្ទះ Lyon ២-០។
យោងតាមសារព័ត៌មានរបស់បារាំង L’Equipe បានឲ្យដឹងថា ក្រោយពីបញ្ចប់ការប្រកួតកាលពីសបា្ដហ៍មុន Neymar និង Cavani ត្រូវបានបុគ្គលិករបស់ក្លិបបំបែកពួកគេទាំង២ ក្នុងបន្ទប់ផ្លាស់សម្លៀកបំពាក់ ខណៈដែលពេលនេះ កាសែតបារាំងនេះដដែលបានរាយការណ៍ទៀតថា Neymar បានធើ្វការសុំអភ័យទោសដល់ Cavani ដើម្បីបញ្ចប់រឿងរ៉ាវនេះ។
គ្រូបង្វឹក Unai Emery បានបង្ហើបកាលពីថៃ្ងព្រហស្បតិ៍កន្លងទៅថា ទាំង Neymar និង Cavani នឹងរ៉ាប់រងការទាត់បាល់ប៉េណាល់ទី តែអ្នកចាត់ការសញ្ជាតិអេស្ប៉ាញមិនបានបង្ហើបឲ្យដឹងទេថា កីឡាករណាដែលជាជម្រើសទី១ ក្នុងការទាត់នោះទេ៕
ប្រភព៖ Dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
