ខួរក្បាលប្រៀបដូចជាសរីរាង្គផ្សេងៗទៀត ដែលងាយស្រួលនឹងរងផលប៉ះពាល់ ពីកត្តាជាច្រើន ដែលពេលខ្លះកត្តាទាំងនោះ យើងមិនអាចមើលឃើញនឹងភ្នែកនោះទេ ដែលមានដូចជា៖
១៣. ខ្វះខាតក្នុងការទំនាក់ទំនង
នេះបើតាមការសិក្សាពីសាកលវិទ្យាល័យ Michigan បានបង្ហាញឲ្យដឹងថា ទោះជាមានតែ១០នាទី ក្នុងការប្រាស្រ័យទំនាក់ទំនងក្នុងមួយថ្ងៃ ក៏វាអាចជួយបង្កើនសមត្ថភាពខួរក្បាលផងដែរ។ វាមិនសំខាន់ក្នុងការចេញទៅខាងក្រៅ និងនិយាយជាមួយនឹងមនុស្សដែលអ្នកឃើញនោះទេ ជួនកាលអ្នកក៏អាចនិយាយទូរស័ព្ទ ក៏វាអាចធ្វើឲ្យខួរក្បាលអ្នកកម្រើផងដែរ។
១២. ជាតិស្ករច្រើនពេក
យោងតាមការស្រាវជ្រាវ ការទទួលទានជាតិស្ករក្នុងបរិមាណច្រើន អាចបណ្ដាលឲ្យប៉ះពាល់ដល់កត្តាលូតលាស់សសៃប្រសាទនៃខួរក្បាល ឬ BDNF ដែលពិសេសនោះ គឺ BDNF មានសារៈសំខាន់ណាស់សម្រាប់ការរក្សាទុកការចងចាំក្នុងរយៈពេលវែង និងការសិក្សា។
១១. ខួរក្បាលខ្វះខាតក្នុងការធ្វើលំហាត់ប្រាណ
នេះបើយោងតាមអ្នកវិទ្យាសាស្ដ្របានឲ្យដឹងថា ខួរក្បាលរបស់មនុស្សមានសកម្មភាពខ្លាំងបំផុត នៅចន្លោះអាយុ ១៦-២៥ឆ្នាំ ដែលបន្ទាប់មកវាក៏ធ្លាក់ចុះម្ដងបន្ដិចៗ។ ទោះជាយ៉ាងណា ការធ្វើលំហាត់ប្រាណខួរក្បាលជាប្រចាំ ដូចជា អានសៀវភៅ, ដោះស្រាយរូបភាពផ្គុំរូប ក៏អាចជួយបង្កើនសមត្ថភាពខួរក្បាលផងដែរ ទោះជាអ្នកកំពុងតែមានរោគសញ្ញាដំបូងនៃជំងឺរង្វេងក៏ដោយ។
១០. មិនបរិភោគអាហារពេលព្រឹក
ការសិក្សាបានបង្ហាញថា ក្មេងៗដែលញ៉ាំអាហារពេលព្រឹកជាប្រចាំ មានសកម្មភាពល្អច្រើននៅសាលារៀន ។ ការមិនទទួលទានអាហារពេលព្រឹក អាចបណ្ដាលឲ្យជាតិស្ករក្នុងឈាមមានការធ្លាក់ចុះ ដែលធ្វើឲ្យប៉ះពាល់ដល់តួនាទីនៃខួរក្បាល។
៩. អាហារមិនល្អ
ការទទួលទានអាហារលឿនៗ ឬ fast food ច្រើនពេក អាចបណ្ដាលឲ្យមានផលប៉ះពាល់ដល់ទំនាក់ទំនងរវាងកោសិកាខួរក្បាល ហើយជាពិសេសនោះ នឹងអាចធ្វើឲ្យអ្នកមានជំងឺធ្លាក់ទឹកចិត្ដផងដែរ។
៨. ការ៉េម
រាល់អាហារត្រជាក់ ដូចជាការ៉េម អាចបណ្ដាលឲ្យអ្នកឈឺក្បាល ហើយត្រូវបានគេជឿជាក់ថា អាហារត្រជាក់ទាំងនោះក៏អាចឲ្យសសៃឈាមរួញផងដែរ។
៧. ទូរស័ព្ទដៃ
មានការបង្ហាញពីការសិក្សាលើកណ្ដុរ ទាក់ទងនឹងមហារីកខួរក្បាល និងការប្រើប្រាស់ទូរស័ព្ទដៃ ដែលអ្នកគួរតែប្រើប្រាស់កាសត្រចៀក ឬបើកសម្លេងឲ្យលឺៗចេញមកក្រៅ និងមិនគួរណាដាក់ទូរស័ព្ទក្បែរខ្នើយគេងនោះទេ នៅពេលដែលអ្នកគេង។
៦. គ្របក្បាលនៅពេលដែលគេង
នៅពេលដែលអ្នកគេង និងគ្របក្បាលដោយភួយ នោះអ្នកនឹងទទួលបានអុកស៊ីសែនតិចជាងមុន ចូលទៅក្នុងខ្លួន ដែលបណ្ដាលឲ្យខួរក្បាលអ្នកខ្វះអុកស៊ីសែន។
៥.ខ្វះជាតិទឹក
អ្នកទាំងអស់គ្នាប្រាកដជាដឹងថា ខួរក្បាលរបស់មនុស្សមានជាតិទឹក ៧០%ទៅ ៨០% ដែលទឹកមានទំនួលខុសត្រូវក្នុងការជញ្ជូនសារធាតុសំខាន់ៗ ចូលទៅក្នុងខួរក្បាល។ មួយវិញទៀត ខួរក្បាលពិតជាដំណើរការល្អ និងមានប្រសិទ្ធភាព នៅពេលដែលខួរក្បាលមិនខ្វះអុកស៊ីសែន និងអ៊ីដ្រូសែន។
៤. ជាតិអាកុល
យោងតាមអ្នកស្រាវជ្រាវបានឲ្យដឹងថា ការទទួលទានជាតិអាកុល អាចបំផ្លាញដល់ទំនាក់ទំនងរវាងកោសិកាខួរក្បាល ដែលនៅក្នុងនោះ មានការបង្ហាញទៀតថា នៅពេលដែលមនុស្សឈប់ទទួលទានជាតិអាកុល នោះខួរក្បាលរបស់ពួកគេប្រែមកក្លាយជាធម្មតាវិញ។
៣. ជក់បារី
ដូចដែលអ្នកបានដឹងហើយ ថាការជក់បារីមិនត្រឹមតែនាំឲ្យមានជំងឺមហារីកប៉ុណ្ណោះទេ ថែមទាំងនាំឲ្យមានការកាត់បន្ថយ នៃកម្រាស់របស់កោសិកាខួរក្បាលផងដែរ។ ការខូចខាតបែបនេះ អាចប៉ះពាល់ដល់សមត្ថភាពខួរក្បាលយ៉ាងខ្លាំង ពីព្រោះវាជាផ្នែកមួយនៃខួរក្បាល ដែលក្នុងនោះក៏មានរឿងផ្សេងទៀត ដែលវាទទួលខុសត្រូវក្នុងការគិត។
២. មិនសូវហាត់ប្រាណ
ខួរក្បាលក៏ត្រូវការទទួលការហ្វឹកហាត់ផងដែរ ដែលការហាត់ប្រាណផ្នែកខាងក្រៅនេះ អាចផ្ដល់នូវផលប្រយោជន៍ជាច្រើនដល់ខួរក្បាល។
១. ត្រូវមានរបបអាហារត្រឹមត្រូវ
ការមិនប្រុងប្រយ័ត្នក្នុងការទទួលទានអាហារ ក៏អាចបណ្ដាលឲ្យអ្នកបាត់បង់ទំងន់។ ហើយបើតាមការសិក្សាបានបង្ហាញថា ការរឹតត្បិតលើអាហាររូបត្ថម្ភនឹងអាចបណ្ដាលឲ្យខួរក្បាលអ្នក ស៊ីខ្លួនវា។ នេះហើយជាហេតុផលដ៏ត្រឹមត្រូវមួយ ដែលអ្នកគួរ មានរបបអាហារត្រឹមត្រូវ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]