ខេត្តស្វាយរៀង ៖ ការបាន១ថ្ងៃនាំប្រពន្ធទៅមើលគេរាំធុងបាសក្បែរផ្ទះឃើញគេវាយ មិត្ដភក្ដិចូលទៅជួយត្រូវគេចាក់១កាំបិត លេច២ថាំ្នងដៃរបួសធ្ងន់ធ្ងរត្រូវប្រពន្ធដឹកយកទៅសង្គ្រោះនៅ មន្ទីរពេទ្យទាំងភ័យស្លន់ស្លោ កាលពីវេលាម៉ោង១១យប់ថ្ងៃទី៦ មីនា ២០១២ នៅក្នុងពិធីបុណ្យមួយ ស្ថិតក្នុងភូមិដង្កៀបក្ដាម ឃុំត្រពាំងស្ដៅ ស្រុករមាសហែក។
ជនរងគ្រោះឈ្មោះមុំ សាផល អាយុ២០ឆាំ្ន មានទីលំនៅក្នុងភូមិ-ឃុំកើតហេតុខាងលើ។ តាមសម្ដីរបស់ប្រពន្ធជនរងគ្រោះឈ្មោះគង់ រ៉ែន អាយុ២១ឆាំ្នបានឱ្យដឹងថា ពួកគេទើបតែរៀបការរួចបាន១ថ្ងៃប៉ុណ្ណោះ។ នៅយប់កើតហេតុនោះ ពេលឃើញគេធ្វើបុណ្យហើយចាក់ធុងបាសរាំក៏បណ្ដើរគា្ន២នាក់ប្ដី ប្រពន្ធទៅមើល ប៉ុន្ដែពេលធុងបាសលេងបានប្រមាណជាង១ម៉ោង ស្រាប់តែមានការប្រទូសរ៉ាយគា្នកើតឡើងនៅក្នុងវង់រាំ។ ខណៈនោះប្ដីរបស់ខ្លួនដែលជាជនរងគ្រោះបានចូលទៅឃាត់ និងទាញអូសមិត្ដភក្ដិឈ្មោះស្វិត ចេញមកក្រៅកុំឱ្យឈ្លោះគា្ន ។
ប្រភពបន្តឱ្យដឹងថា ពេលនោះស្រាប់តែអ្នកនៅក្នុងវង់រាំចេញមកក្រៅដែរ ហើយក៏មានការប្រទូសរ៉ាយគា្នម្ដងទៀត ។ លុះបានបន្ដិចក៏ឃើញឈ្មោះ ស្វិត បែកមុខបែកមាត់ដួលសន្លប់នៅក្នុងហ្វូងមនុស្សដែលកំពុងតែចលាចលនោះ ទើបប្ដីរបស់ខ្លួនស្ទុះចូលទៅជួយហើយក៏ត្រូវគេចាក់១កាំបិតចំ ខ្នងដួលទៅលើដីឈាមហូរជោកអាវតែម្ដង ប៉ុន្ដែមិនដឹងថា អ្នកណាជាអ្នកចាក់នោះទេ ព្រោះចលាចលខ្លាំងពេក៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]