ក្រុមហ៊ុនទឹកពិសាបរិសុទ្ធ ឡឺ គូលែន បាននាំយកសម្ភារៈសិក្សា និងចែករំលែកក្តីស្រឡាញ់ជូនដល់ សិស្សានុសិស្សនៅវិទ្យាល័យ ១០ មករា ខេត្តសៀមរាប

សៀមរាប៖ ក្រុមហ៊ុនទឹកពិសាបរិសុទ្ធ ឡឺ គូលែន ជាក្រុមហ៊ុនទឹកពិសាបរិសុទ្ធដែលត្រូវបានបង្កើតឡើងក្រោមកិច្ចសហប្រតិបត្តិការរវាងអ្នកវិនិយោគទុននៃព្រះរាជាណាចក្រកម្ពុជា និងអ្នកវិនិយោគរបស់ព្រះរាជាណាចក្រថៃ។ 

បច្ចុប្បន្នក្រុមហ៊ុនទឹកពិសាបរិសុទ្ធ ឡឺ គូលែន គឺជាក្រុមហ៊ុនមួយដែលមានការរីកចម្រើនយ៉ាងឆាប់រហ័ស និងត្រូវបានទទួលស្គាល់ទាំងគុណភាព និងអនាម័យពីសំណាក់អតិថិជនគ្រប់រូបនៅក្នុងខេត្តសៀមរាប ក៏ដូចជានៅតាមបណ្តាខេត្តមួយចំនួននៃព្រះរាជាណាចក្រកម្ពុជា ហើយអ្វីដែលសំខាន់នោះ គឺក្រុមហ៊ុនបានយកចិត្តដាក់យ៉ាងខ្លាំងបំផុតទៅលើគុណភាពនៃទឹក និងសុខភាពរបស់អ្នកប្រើប្រាស់ផងដែរ។ មិនត្រឹមតែគិតដល់គុណភាពនៃទឹក និងសុខភាពអ្នកប្រើប្រាស់ប៉ុណ្ណោះទេ ក្រុមហ៊ុនឡឺ គូលែន ថែមទាំងបានចូលរួមក្នុងសកម្មភាពសង្គមផងដែរ។

ក្នុងពេលថ្មីៗកន្លងមកនេះ ក្រុមហ៊ុនទឹកពិសាបរិសុទ្ធ ឡឺ គូលែន បាននាំយកសម្ភារៈសិក្សាមួយចំនួន និងចែករំលែកក្តីស្រឡាញ់ជូនដល់សិស្សានុសិស្សក្រីក្រនៅវិទ្យាល័យ ១០ មករា ស្ថិតនៅក្រុងសៀមរាប ខេត្តសៀមរាប ដោយមានការចូលរួមពីសំណាក់តំណាងក្រុមហ៊ុន ឡឺ គូលែន ព្រមជាមួយលោកនាយកសាលា លោកគ្រូអ្នកគ្រូ និងសិស្សានុសិស្សនៅវិទ្យាល័យ ១០ មករា យ៉ាងរីករាយ។

នាឱកាសនោះផងដែរលោក ពុំ ស៊ីមន នាយកប្រតិបត្តិនៃក្រុមហ៊ុនទឹកពិសាបរិសុទ្ធ ឡឺ គូលែន បានមានប្រសាសន៍ថា “ដើម្បីរួមចំណែកជាមួយរដ្ឋាភិបាលកម្ពុជាលើកកម្ពស់វិស័យអប់រំ ជួយសម្រួល និងជួយកាត់បន្ថយការលំបាករបស់សិស្សក្រីក្រ ក្រុមហ៊ុន និងបន្តចូលរួមសកម្មភាពដទៃទៀតទាក់ទងនឹងការអប់រំ និងសកម្មភាពសប្បុរសធម៌សង្គមផ្សេងៗផងដែរ។” ទន្ទឹមនឹងនោះលោក ពុំ ស៊ីមន ក៏បានសំណូមពរឱ្យសិស្សានុសិស្សទាំងអស់ ឱ្យខិតខំប្រឹងប្រែងរៀនសូត្រ ដើម្បីអនាគតខ្លួនឯង គ្រួសារ និងដើម្បីសង្គមជាតិកម្ពុជាយើង។

ចក្ខុវិស័យ របស់ក្រុមហ៊ុន ឡឺ គូលែន គឺចង់ក្លាយជាមូលដ្ឋានគ្រឹះ នៃការបំពេញសុភមង្គលជូនក្រុមគ្រួសារ។ ជាងនេះទៅទៀតក្រុមហ៊ុនជឿជាក់ថា ដើម្បីឱ្យក្រុមហ៊ុនមានស្ថេរភាព យើងមិនត្រឹមតែគិតពីប្រាក់ចំណេញតែប៉ុណ្ណោះទេ ប៉ុន្តែយើងក៏ត្រូវគិតពីមនុស្សជាតិ និងភពផែនដីរបស់យើងផងដែរ។

ជាចុងក្រោយតំណាងក្រុមហ៊ុនឡឺ គូលែន ព្រមជាមួយគណៈគ្រប់គ្រង លោកគ្រូអ្នកគ្រូ ក៏បានចែកជូនសម្ភារៈសិក្សាដល់សិស្សក្រីក្រក្នុងនោះរួមមាន កាបូបស្ពាយ សៀវភៅ ប៊ិច ខ្មៅដៃ បន្ទាត់ និងទឹកពិសាឡឺ គូលែន ។

តំណាងសិស្សានុសិស្សនៃវិទ្យាល័យ១០ មករា បានថ្លែងអំណរគុណយ៉ាងជ្រាលជ្រៅដល់ ក្រុមហ៊ុនទឹកពិសាបរិសុទ្ធ ឡឺ គូលែន ដែលបានបង្កើតកម្មវិធីសប្បុរសធម៌នេះឡើង ដើម្បីចូលរួមចំណែកក្នុងការងារសង្គម។

បច្ចុប្បន្នក្រុមហ៊ុន ឡឺ គូលែន យើងខ្ញុំកំពុងស្វែងរកដៃគូចែកចាយបន្ត ទៅតាមរាជធានី និងបណ្តាខេត្តក្រុងផ្សេងៗ ដូចនេះបើបងប្អូនមានចំណាប់អារម្មណ៍ អាចធ្វើការទំនាក់ទំនងតាមរយៈទូរសព្ទលេខ: 010 234 818/ 011 833 303/086 68 95 93/063 502 1777 ឬ ចូលតាមគេហទំព័រហ្វេសប៊ុក fb.com/lekoulen ៕​