(ភ្នំពេញ)៖ បទចម្រៀង Original «ពេលបាយនឹកម៉ែ» របស់កំពូលតារាចម្រៀងលំដាប់ជួរមុខ លោក ឆាយ វីរៈយុទ្ធ បាននិងកំពុងចាក់ដោតអារម្មណ៍ទស្សនិកជនយ៉ាងខ្លាំងនារដូវបុណ្យភ្ជុំបិណ្ឌនេះ មិនថាអ្នករស់នៅអាស្រ័យការងារក្រៅប្រទេសនោះទេ សូម្បីតែអ្នកចំណាកស្រុកមកធ្វើការត្រឹមភ្នំពេញនេះ ក៏ស្តាប់ហើយកើតកំសួលអួលដើមកចង់ហូរទឹកភ្នែកផងដែរ។
តាមរយៈបទ «ពេលបាយនឹកម៉ែ» នេះបានរៀបរាប់ពីស្ថានភាពកូនៗពេលរស់នៅចាយលុយឪពុកម្តាយ គ្មានចេះគិតគូរអ្វីនោះទេ ដឹងតែល្អ ឡូយឆាយ សប្បាយហ៊ឺហារ តែពេលកាលណាចេញរកប្រាក់ខ្លួនឯងឃ្លាតឆ្ងាយពីគ្រួសារ ទើបដឹងថា ការលំបាកមានទំហំធំធេងបុណ្ណា ហើយឃ្លាមួយបានបញ្ជាក់ថា «ពេលលំបាកទើបដឹងថា ដុំបាយមានតម្លៃយ៉ាងណា» ដែលនេះរឹងរឹតតែធ្វើឲ្យអ្នកស្តាប់ឮហើយសឹងតែទប់ទឹកភ្នែកពុំបាននោះ។
កំពូលតារាចម្រៀងដែលមានកំណើតនៅស្រុកស្រែក្នុងខេត្តកំពង់ចាម លោក ឆាយ វីរៈយុទ្ធ បានផ្តល់បទសម្ភាសខ្លីថា បទចម្រៀង Original មួយបទនេះជាកាដូសម្រាប់បងប្អូននៅរដូវបុណ្យភ្ជុំបិណ្ឌនេះ ហើយជាការពិតបទនេះក៏ចង់រំលឹកកូនៗឲ្យស្វែងយល់បន្ថែមពីការលំបាក និងការខិតខំរបស់ឪពុកម្តាយ ជាពិសេសគឺការផ្តល់ការស្រឡាញ់គោរពនៅក្នុងគ្រួសារ។
ក្នុងឱកាសភ្ជុំបិណ្ឌនេះលោក ឆាយ ឆាយវីរៈយុទ្ធ ក៏បានគោរពជូនពរទស្សនិកជនទាំងអស់ជួបប្រទះតែសេចក្តីសុខសប្បាយ ចេញដំណើរទៅទីណាក៏ភាពសុវត្ថិភាពទាំងអស់គ្នា៕
ប្រភព៖ Fresh News
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
