រាជធានីភ្នំពេញ ៖ កម្លាំងនគរបាលខណ្ឌមានជ័យ សហការជាមួយនគរបាលចប៉ុស្តិ៍បឹងទំពុន បើកប្រតិបត្តិការឆែកឆេរ និងបង្ក្រាបនៅក្នុងផ្ទះសំណាក់មួយកន្លែងយីហោ «ឌី មនោរម្យ» ដោយឃាត់ខ្លួនមនុស្សប្រុស-ស្រី១២នាក់ ព្រមទាំងដកហូបានគ្រឿងញៀន៤កញ្ចប់តូច-ធំ និងឧបករណ៍សំរាប់ប្រើប្រាស់ផងដែរ ។ ការបង្ក្រាបនេះ ធ្វើឡើងកាលពីវេលាម៉ោង០៧យប់ថ្ងៃទី១៥ កញ្ញា លើផ្លូវ៣៧១ ក្នុងភូមិត្នោតជ្រុំ១ សង្កាត់បឹងទំពន់២ ខណ្ឌមានជ័យ ។
ប្រភពពីលោកម៉េង វិមានតារា អធិការរងទទួលបន្ទុកនគរបាលយុត្តិធម៌ឱ្យដឹងថា មុនឈានដល់ការបង្ក្រាបបានជាក់ស្តែងនេះ និងឃាត់ខ្លួនជនសង្ស័យនេះ គឺក្រោយបានទទួលដំណឹងពីប្រជាពលរដ្ឋល្អថា ទីតាំងខាងលើមានក្រុមក្មេងប្រុស-ស្រី បានពពាក់ពពួនគ្នាចែកចាយនិងប្រើប្រាស់គ្រឿងញៀនយ៉ាងសកម្មនោះ ទើបកម្លាំងធ្វើការស៊ើបអង្កេតរហូតដល់មានតម្រុយច្បាស់ ក៏ធ្វើការឆ្មក់ចូលផ្ទះសំណាក់ខាងលើ ព្រមទាំងឆែកឆេរបន្ទប់ចំនួន៣ ហើយឃាត់ខ្លួនបានមនុស្សទាំង១២នាក់នេះ ។
ការឃាត់ខ្លួន ក្នុងនោះមាននារីភេទទីបីចំនួន២នាក់ និងដកហូតថ្នាំប្រភេទក្រាម ពណ៌.សថ្លា៤កញ្ចប់តូចធំ រួមនិងឧបករណ៍ សំរាប់ប្រើប្រាស់គ្រឿងញៀនមួយចំនួន និងម៉ូតូម៉ាកTODAY ពណ៌ក្រហមមួយគ្រឿងទៀត៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
