ប្រជាជនចិន៥៣លាននាក់ កំពុងត្រេកត្រអាល ជាមួយសេវាកម្មជួលតុក្កតាបម្រើផ្លូវភេទ តាមរយៈកម្មវិធីលើទូរសព្ទដៃ

ចិន៖ ប្រជាជនដែលរស់នៅក្នុងទីក្រុងប៉េកាំង កំពុងរីករាយនឹងកម្មវិធីទូរស័ព្ទថ្មីមួយ ដែលអនុញ្ញាតឲ្យពួកគេអាចជួលតុក្កតាបម្រើផ្លូវភេទ តាមរយៈកម្មវិធីលើទូរស័ព្ទដៃបាន។ 

អាជីវកម្មបែបថ្មីនេះត្រូវបានផលិតឡើងដោយលោក Touch ដែលមានមុខងារជាអ្នកបង្កើតកម្មវិធីទូរស័ព្ទនៅទីក្រុង Xiamen ខេត្ត ហ្វចៀន ប្រទេសចិន។ 

អតិថិជនគោលដៅរបស់កម្មវិធីទូរស័ព្ទថ្មីនេះ គឺបុគ្គលិកធ្វើការក្នុងការិយាល័យ ដែលមានអាយុចាប់ពី ២០ ដល់ ៣៥ឆ្នាំ។

កម្មវិធីទូរស័ព្ទថ្មីនេះ បានទាក់ទាញប្រជាជនចិនចំនួន ៥៣លាននាក់ឲ្យប្រើប្រាស់ បន្ទាប់ពីបានដាក់ឲ្យដំណើរការនៅក្នុង App Store របស់ Apple កាលពីថ្ងៃទី១១ កញ្ញា ២០១៧ កន្លងទៅ។

យោងតាមសារព័ត៌មាន Sina Technology បានឲ្យដឹងថា រាល់តុក្កតាបម្រើផ្លូវភេទ ដែលត្រូវបានដាក់ឲ្យជួលទាំងអស់ សុទ្ធតែមានសេវាដឹកជញ្ជូនដល់ផ្ទះអតិថិនតែម្តង។  ចំពោះតម្លៃវិញគឺប្រមាណ ៤៥.៥ ដុល្លារ សម្រាប់ការជួលរយៈពេល២៤ម៉ោង ឬ ២០០ដុល្លារ សម្រាប់ការជួលពេញមួយសប្តាហ៍ ប៉ុន្តែរាល់ការជួលទាំងអស់ តម្រូវឲ្យមានប្រាក់តម្កល់ ១ ២២៣ ដុល្លារជាមុន។

បច្ចុប្បន្នកម្មវិធីនេះបានផ្តល់សេវាកម្មជួលប្រភេទតួអង្គតុក្កតាបម្រើផ្លូវភេទដែលមានដូចជា តួឈុតប៊ីហ្គីនីបៃតង  តួមេក្រុមឡានប្រណាំងហុងកុង  តួស្ត្រីមេផ្ទះកូរ៉េ  តួនារីរុស្ស៊ី  និងតួវីរនារីអស្ចារ្យអាមេរិក ជាដើម។

អ្នកជួលទាំងអស់អាចជ្រើសរើសការតុបតែងខ្លួនរបស់តុក្កតាដូចជា ពណ៌សក់ ពណ៌ភ្នែក និងពណ៌ស្បែក ទៅតាមចំណង់ចំណូលចិត្តរៀងៗខ្លួនផងដែរ។ សម្រាប់ការរៀបចំខ្លួនក្នុងឈុតពិសេសឲ្យក្លាយជា គិលានុបដ្ឋា ឬនិស្សិតជាដើមនោះ អតិថិជនត្រូវបង់ប្រាក់បន្ថែមចំនួន ៥.៣៥ ដុល្លារទៅលើតម្លៃដែលមានស្រាប់។

គួរបញ្ជាក់ដែរថា រាល់តុក្កតាទាំងអស់ គឺមានទម្ងន់ ២៩.៨ គីឡូក្រាម និងមានបំពាក់មុខងារសម្លេង និងកម្តៅផងដែរ។

ដើម្បីធានាបាននូវសុវត្ថិភាពជូនដល់អតិថិជន លោក Touch មានគោលនយោបាយទាក់ទងនឹងបញ្ហាអនាម័យយ៉ាងតឹងរឹង គឺគេតែងតែលាងសម្អាតតុក្កតាទាំងនោះ៥ដង និងដកអវយវត្រង់តំបន់ពិសេសចេញ បន្ទាប់ពីបានប្រមូលយកពីអតិថិជនវិញ៕

តើអ្នកគិតយ៉ាងណាដែរ ចំពោះសេវាកម្ម និងការប្រើប្រាស់តុក្កតាសិចរួមគ្នាបែបនេះ? សូមធ្វើការបញ្ចេញមតិនៅខាងក្រោមនេះ៖