រាជធានីភ្នំពេញ ៖ នារីវ័យក្មេង២នាក់បានជិះម៉ូតូចេញពីធ្វើការត្រឡប់ទៅផ្ទះវិញ លុះដល់ពាក់កណ្ដាលផ្លូវ ស្រាប់តែមានបុរស៣នាក់ជិះម៉ូតូមកធ្វើសកម្មភាពយកកាបូបបានសម្រេច ហេតុការណ៍នេះបានកើតឡើងនៅវេលាម៉ោង២រំលងអធ្រាត្រឈានចូលថ្ងៃទី១៣ ខែកញ្ញា ឆ្នាំ២០១៧ ចុងស្ពានអាកាសស្ទឹងមានជ័យត្រើយខាងត្បូង ផ្លូវ២៧១ សង្កាត់ទំនប់ទឹក ខណ្ឌចំការមន ។
នារីរងគ្រោះទាំងពីរនាក់មិនបានឱ្យស្គាល់អត្តសញ្ញាណនោះទេគ្រាន់តែដឹងថា ជិះម៉ូតូមួយគ្រភងម៉ាក TODAY ពណ៌ខ្មៅ ហើយក្នុងកាបូបដែលជនសង្ស័យយកទៅ គឺមានទូរស័ព្ទមួយគ្រឿង លុយមួយចំនួនតូច ព្រមទាំងគ្រឿងក្រអូបបន្តិចបន្តួចតែប៉ុណ្ណោះ ។ ចំណែកជនសង្ស័យ៣នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ មិនចាំស្លាកលេខ ។
តាមសម្តីនារីជនរងគ្រោះទាំង២នាក់ឱ្យដឹងថា មុនពេលកើតហេតុ ពួកនាងជិះម៉ូតូចេញពីធ្វើការនៅម្តុំវត្តសន្សំកុសលបំណងទៅផ្ទះនៅម្តុំបឹងសាឡាង ដោយធ្វើដំណើរតាមផ្លូវ២៧១ លុះដល់ចំណុចកើតហេតុជិតដល់ផ្ទះទៅហើយ ស្រាប់តែមានជនសង្ស័យ៣នាក់ជិះម៉ូតូមកជិតពួកនាង រួចហើយជនសង្ស័យទាំងនោះក៏ឆក់កាបូបស្ពាយពីនារីម្នាក់ដែលអង្គុយខាងក្រោយ បណ្តាលឲ្យពួកនាងដួលម៉ូតូរលាត់ដៃជើងថែមទៀតផង ។ ដោយឡែកជនសង្ស័យវិញពេលធ្វើសកម្មភាពហើយ ក៏បន្ថែមល្បឿនបើករត់គេចខ្លួនបាត់តែម្តង ។
ក្រោយពេលកើតហេតុ ជនរងគ្រោះមិនបានទៅដាក់ពាក្យបណ្តឹងនោះទេ គឺបានទូរស័ព្ទហៅបងប្អូនឱ្យមកយកត្រឡប់ទៅផ្ទះវិញ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]