ខេត្តបាត់ដំបង ៖ សេចក្តីរាយការណ៍ឱ្យដឹងថា ស្ត្រីជាម្តាយសរសៃប្រសាទម្នាក់ ត្រូវសមត្ថកិច្ចឃាត់ខ្លួន ក្រោយលើកដៃសម្លាប់កូនស្រីអាយុ១ខួបម្នាក់ស្លាប់យ៉ាងឃោរឃៅកើតឡើងកាលពីវេលាម៉ោង០៦ និង៣០នាទីយប់ថ្ងៃទី១២ កញ្ញា ស្ថិតនៅចំណុចអណ្តូងពីរ ក្នុងភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង ។
សេចក្តីរាយការណ៍បន្តថា ស្ត្រីសង្ស័យខាងលើ មានឈ្មោះតិ សុខឃី អាយុ៣៤ឆ្នាំ (ជាស្ត្រីមេម៉ាយ) និងកូនស្រីដែលស្លាប់ឈ្មោះណាល់ ស្រីពេជ្រ អាយុ១ខួប ទាំង២នាក់ មានទីលំនៅក្នុងភូមិកើតហេតុ ។
បើតាមសមត្ថកិច្ចឱ្យដឹងថា ទាក់ទិនករណីនេះ នៅមិនទាន់ដឹងមូលហេតុច្បាស់នោះទេ តែស្ត្រីជាម្តាយរូបនេះ មានជំងឺសសៃប្រសាទ ដោយបានចាប់កូនស្រីបោកទៅនឹងក្តារផ្ទះ បណ្តាលឱ្យស្លាប់ភ្លាមៗ ។ ពេលនោះ ក៏មានប្រជាពលរដ្ឋប្រទះឃើញបានរត់មករាយការណ៍ឱ្យចុះទៅឃាត់ខ្លួនតែម្តង ។
បច្ចុប្បន្ន សមត្ថកិច្ចបាននិងកំពុងកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការតាមច្បាប់ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
